Provebs 23:35 - Pijin Bible

³⁵ An bae yu sei, “!Ating olketa kilim mi! Bat mi no garekil. Ating olketa faetem mi, bat mi no filim. Mi laek fo wekap, mekem mi spaka moa.”

Pijin Deuterocanon

³⁵ An bae yu sei, “!Ating olketa kilim mi! Bat mi no garekil. Ating olketa faetem mi, bat mi no filim. Mi laek fo wekap, mekem mi spaka moa.”

Provebs 23:35 Iomraidhean Croise

Provebs 23:34

Bae yu fil olsem yu stap long raf si, nao yu toraot. Bae yu fil olsem yu antap long mas blong sip.

Provebs 26:11

Krangge man wea i duim sem krangge samting moa, hemi olsem dog i kaikaim toraot blong hem.

Provebs 27:22

Nomata yu barava panisim krangge man tumas, yu no save aotem krangge wei blong hem.

Aesaea 22:13

!Bat yufala gohed nomoa fo laf an fo mekem fist! Ya, yufala gohed fo kilim dae olketa buluka an sipsip, an yufala gohed fo kaikaim mit an dringim waen. An yufala gohed fo tok olsem, “Hemi moabeta fo yumi kaikai an dring, bikos tumoro nao, bae yumi evriwan i dae.”

Aesaea 56:12

Olketa pipol ya i tok olsem, “!Yumi go tekem waen an bia, an yumi gohed fo dring go-go yumi barava drang fogud! !Tumoro bae hemi gud tumas moa winim tude!”

Jeremaea 31:18

“Mi herem Efrem wea i gohed fo sore an krae. Hemi tok olsem, ‘O Yawe. Mi olsem pikinini blong wael buluka wea man no save mekem hemi stap kuaet. Bat yu panisim mi, mekem mi obeim yu. Yu nao Yawe, God blong mi. Plis yu tekem mi kambaek. Mi redi nomoa fo kambaek long yu.

Jeremaea 5:3

(Profet) O Yawe. Hemi tru nao wea yu laekem tumas olketa pipol hu i save tok tru olowe. Nomata yu panisim olketa, bat olketa no save filim nao. Nomata yu spoelem olketa fo stretem wei blong olketa, bat olketa les fo lane from diswan. Olketa kamap bikhed moa, an olketa no laek fo tane from sin blong olketa.

Efesas 4:19

Olketa no save filsem long enisamting, an olketa gohed nomoa fo duim olketa ravis samting wea bodi blong olketa i laekem. Olketa laekem tumas fo duim enikaen rong samting moa, an olketa no save stop.

Diutronomi 29:19

Maet samwan hemi herem finis olketa strongfala toktok blong spesol agrimen, bat hemi bikhed an hemi tingim hemi gud nomoa, an hemi gohed fo falom wei blong hem seleva. Sapos hemi olsem, trabol bae kasem hem an bae hemi kasem yufala evriwan long Israel.

2 Pita 2:22

Olketa barava duim nao olsem disfala waes toktok hemi sei, “Dog wea hemi toraot finis, hemi save gobaek an kaikaim moa toraot blong hem.” An nara toktok moa hemi sei, “Nomata yumi mekem pikpik fo klin gudfala, bae hemi gobaek an slip moa insaet long mad.”