Provebs 23:31 - Pijin Bible

³¹ Yu no lukluk long waen, nomata hemi red tumas. Yu no daedae fo hem, nomata hemi luknaes long kap, an filgud long maos.

Pijin Deuterocanon

³¹ Yu no lukluk long waen, nomata hemi red tumas. Yu no daedae fo hem, nomata hemi luknaes long kap, an filgud long maos.

Provebs 23:31 Iomraidhean Croise

2 Samuel 11:2

Nao long wanfala de, king hemi slip long aftanun an hemi wekap. Den hemi wakabaot antap long levol ruf long bikfala haos blong hem, fo filim freswin. An taem hemi stap long ples ya, hemi luk godaon long wanfala woman wea hemi gohed fo suim. Woman ya hemi barava naesbola tumas.

Stori abaotem Job 33:1

Job, yu mas lisin kam gudfala long evri toktok wea bae mi talem long yu.

Sams 119:37

Plis yu mekem mi falom olketa gudfala wei blong yu, an no letem mi falom olketa ravis wei.

Provebs 6:25

Nomata woman ya hemi luknaes tumas, yu no daedae fo hem. Nomata hemi satae fo suitim yu, no letem hem winim yu.

Nambawan Singsing 7:9

Ya, bae kis blong yu tu hemi suit, olsem barava nambawan waen. Oraet, letem suit waen ya hemi randaon stret go long maos blong daling blong mi, fo hemi watarem lip blong hem an tit blong hem.

Gudnius abaotem Jisas Kraes wea Mak hemi raetem 9:47

An sapos ae blong yu hemi mekem yu fo lusim biliv blong yu, yu mas pulumaot nomoa. Moabeta yu garem wanfala ae nomoa an yu save go insaet long kingdom blong God. Nogud yu garem tufala ae bat olketa torowem yu go long hel.

Efesas 5:18

Yufala mas no drang long waen wea hemi save spoelem laef blong yufala, bat yufala mas fulap long Holi Spirit.

1 Jon 2:16

Wei blong pipol long disfala wol i nating kam from Dadi ya. Nomoa. Evri ravis samting wea bodi hemi save laekem tumas, an wanem pipol laekem bikos hemi luknaes tumas, an wanem pipol i praod tumas long hem, evrisamting olsem hemi kamaot long wei blong disfala wol nomoa.