Provebs 23:29 - Pijin Bible

²⁹ ?Hu nao sore? ?Hu nao trabol? ?Hu nao raoa? ?Hu nao faet? ?Hu nao garekil? ?Hu nao garem ae wea i red?

Pijin Deuterocanon

²⁹ ?Hu nao sore? ?Hu nao trabol? ?Hu nao raoa? ?Hu nao faet? ?Hu nao garekil? ?Hu nao garem ae wea i red?

Provebs 23:29 Iomraidhean Croise

Jenesis 19:33

So long naet ya, tufala gohed fo givim waen long hem go-go hemi drang fogud, nao fasbon gele ya hemi go slip wetem hem. Bat oloman ya hemi drang tumas, so hemi no save long samting ya wea hemi bin duim.

Jenesis 49:12

King ya, ae blong hem bae hemi red fogud bikos hemi save dringim staka waen, an tit blong hem tu bae i waet fogud bikos hemi save dringim staka milk.

2 Samuel 11:13

Long datfala de, Deved hemi kolem hem fo kam kaikai wetem hem long ivining, an hemi mekem hemi drang. Bat long naet ya moa, Yuraea hemi no go long haos blong hem, hemi go slip long mat blong hem kolsap long olketa sekiuriti blong bikfala haos blong king.

2 Samuel 13:28

Oraet, Absalom hemi bin tok olsem long olketa wakaman blong hem, “Bae yufala lukluk long Amnon. Taem yufala lukim hemi stat fo drang an filgud, bae mi talem wanfala toktok long yufala, an yufala mas go kilim hem dae. Yufala no wari. Mi nao mi odarem yufala fo duim. !Yufala mas strongim tingting blong yufala an no fraet!”

Provebs 20:1

Dringim tumas waen, bae yu tokspoelem nara man. Dringim tumas bia, bae yu faet. Man spaka long tufala hemi no waes.

Provebs 23:20

Yu no joenem olketa hu i spaka an kaikai tumas.

Provebs 23:21

Olketa spakmasta an olketa hu kaikai tumas, bae olketa kamap puaman, an garem ravis kaleko nomoa.

Aesaea 5:11

!Sore tumas long yufala hu i getap long eli moning fo go lukaotem waen an olketa narafala bia moa wea yufala dring go-go kasem midol long naet!

Aesaea 5:22

!Sore tumas long yufala hu i barava save tumas hao fo dringim waen an hao fo miksim olketa narafala deferen kaen waen!

Neiham 1:10

Bae hemi olsem wea ropnila hemi taengem hem, o hemi barava drang fogud an no save stanap. Bae Yawe hemi spoelem hem fogud, olsem wea faea hemi bonem drae gras.

Efesas 5:18

Yufala mas no drang long waen wea hemi save spoelem laef blong yufala, bat yufala mas fulap long Holi Spirit.