Provebs 2:21 - Pijin Bible

²¹ Stretfala pipol wea yu save trastem, olketa nao bae save stap gud long ples blong olketa olowe.

Pijin Deuterocanon

²¹ Stretfala pipol wea yu save trastem, olketa nao bae save stap gud long ples blong olketa olowe.

Provebs 2:21 Iomraidhean Croise

Stori abaotem Job 1:1

Bifoa kam, wanfala man wea nem blong hem nao Job, hemi stap long kantri olketa kolem Us. Hemi wanfala gudfala an stretfala man. An hemi tinghae long God an hemi les fo duim eni ravis samting.

Stori abaotem Job 42:12

Yawe hemi blesim disfala las pat long laef blong Job, winim fas pat long laef blong hem. Hemi mekem Job fo garem 14,000 sipsip, an 6,000 kamel, an 2,000 buluka, an 1,000 dongki.

Sams 37:11

Olketa pipol wea i hambol, bae olketa onam lan wea Yawe hemi bin promisim fo olketa. Nao bae olketa ya i hapi, bikos olketa stap gudfala, an olketa garem plande samting.

Sams 37:18

Yawe hemi gohed fo lukaftarem olketa wea i gohed fo obeim hem, an oltaem bae olketa onam lan wea hemi bin promisim fo olketa.

Sams 37:22

Olketa wea Yawe hemi blesim olketa, bae olketa onam lan wea hemi bin promisim fo olketa, bat olketa wea hemi mekem trabol fo kasem olketa, bae olketa lus finis.

Sams 37:29

Bae olketa stretfala pipol i onam lan wea Yawe hemi bin promisim fo olketa, an bae olketa stap long hem olowe.

Sams 37:3

Yu mas trastem Yawe, an yu mas duim olketa gudfala samting, mekem yu save stap long piis long lan wea hemi givim long yu.

Sams 37:9

Olketa wea i trastem Yawe bae olketa onam lan wea hemi bin promisim fo olketa, bat, bae Yawe hemi ronemaot olketa nogud pipol.

Sams 84:11

Lod Yawe, yu nao yu God, an yu nao yu gadem mifala an mekem mifala fo stap sef long yu. Ya, yu nao yu kaen long mifala, an yu givim biknem long mifala. Lod Yawe, oltaem yu givim nomoa olketa gudfala samting long olketa hu i duim wanem hemi stret.

Provebs 10:30

No eniwan save aotem gud pipol from lan blong olketa, bat nogud pipol bae lusim lan.

Provebs 28:10

Yu lidim stretfala man long wei nogud, bae yu kasem trap wea yu mekem. Bat man hemi barava gud tumas, bae hemi kasem gudfala samting.