Provebs 2:20 - Pijin Bible

²⁰ Falom wei blong gud man, an bae yu go long stretfala rod.

Pijin Deuterocanon

²⁰ Falom wei blong gud man, an bae yu go long stretfala rod.

Provebs 2:20 Iomraidhean Croise

Sams 119:115

Mi laekem olketa nogud pipol fo giraot, mekem mi falom olketa strongfala toktok blong yu, God blong mi.

Sams 119:63

Mi fren wetem olketa hu i tinghae long yu, an wetem olketa hu i falom olketa gudfala toktok blong yu.

Provebs 13:20

Fren wetem waes man, bae yu waes. Fren wetem krangge man, bae yu safa.

Provebs 4:11

Mi tisim yu fo kamap waes, an mi lidim yu long stretfala wei.

Provebs 4:18

Bat stretfala wei hemi olsem fas laet long moning, hemi gohed fo saen gogo hemi olsem san hemi kamap.

Provebs 8:20

Oltaem mi falom stretfala wei, an duim wanem hemi stret nomoa.

Jeremaea 6:16

Yawe nao hemi gohed fo tok olsem, “Olketa. Yufala go stanap long ples wea olketa rod hemi joen, an yufala traem askem long olketa man olsem, ‘?Wea nao olketa olfala rod wea hemi gudfala wei fo falom?’ An taem yufala faendem gudfala wei ya, yufala falom. Sapos yufala duim, bae yufala save stap gud an garem piis long laef blong yufala. “Bat yufala les an tok olsem, ‘!Nomoa! !Mifala les fo falom gudfala wei ya!’

Hibrus 6:12

Yufala no stap les, bat yufala mas olsem olketa pipol long bifoa hu i biliv long God, an hu i wiling fo stap weit nomoa. Olketa pipol ya nao bae i tekem wanem God hemi promis fo givim long olketa.

3 Jon 1:11

Gudfala fren blong mi, yu no falom olketa ravis wei olsem bat yu mas falom olketa gudfala wei nomoa. Eniwan hu hemi duim gudfala samting, hemi blong God nao. Bat eniwan hu hemi duim olketa ravis samting, hemi no luksave long God.