Provebs 19:8 - Pijin Bible

⁸ Yu laek fo garem waes, yu lavem yu seleva. Yu laek fo garem save, yu kamap gudfala.

Pijin Deuterocanon

⁸ Yu laek fo garem waes, yu lavem yu seleva. Yu laek fo garem save, yu kamap gudfala.

Provebs 19:8 Iomraidhean Croise

Sams 19:11

Lod Yawe, olketa toktok blong yu ya i gohed fo mekem mi save, wea mi nao wakaman blong yu. An yu givim gudfala samting long mi, bikos mi gohed fo obeim olketa toktok ya.

Provebs 16:20

Man hemi lisingud, bae laef blong hem hemi gud. Man hemi trastem Yawe, bae hemi hapi.

Provebs 17:16

Waswe nao krangge man garem seleni fo kasem save? Hemi no laek fo lane.

Provebs 19:9

Laea long kot, bae yu panis. Kon olowe, bae yu dae.

Provebs 22:18

Hemi gud yu tingim olketa oltaem, an yu baehatem.

Provebs 3:18

Waes hemi olsem tri wea yu save laef long frut blong hem, holem frut blong hem an bae yu hapi.

Provebs 3:21

San blong mi, yu holetaet long waes blong yu, an kipim gudfala tingting. Lukaot, nogud yu lusim tufala.

Provebs 3:22

Tufala save givim gud laef long yu, an laef blong yu bae hemi luknaes.

Provebs 4:21

Yu mas lukluk long hem olowe, an tingting tumas long hem.

Provebs 4:4

dadi hemi tisim mi an tok olsem, “San, tingim evrisamting mi talem yu, barava falom an bae yu laef.

Provebs 4:6

Yu no les long waes, an bae hemi gadem yu. Laekem hem tumas, an bae hemi helpem yu.

Esikiel 36:26

Bae mi mekem laef blong yufala fo kamap niu moa. An bae mi givim niufala tingting long yufala, mekem yufala wosipim mi nomoa. Bae mi tekemaot olketa ravis tingting blong yufala wea hemi mekem yufala bikhed, an bae mi givim gudfala tingting long yufala mekem yufala save obeim mi.

Gudnius abaotem Jisas Kraes wea Jon hemi raetem 12:25

Man hu hemi lavem tumas laef blong hem seleva, bae hemi lusim ya. Bat man hu hemi no lavem laef blong hem long disfala wol, bae hemi holem tru laef wea hemi no save finis.

Gudnius abaotem Jisas Kraes wea Jon hemi raetem 14:21

“Man hu hemi herem an obeim olketa lo blong mi, hem nao man hu hemi lavem mi. An man hu hemi lavem mi, Dadi blong mi bae hemi lavem hem. An bae mi lavem hem tu, an bae mi somaot mi seleva long hem.”

1 Pita 3:10

Buktambu hemi sei, “Sapos eniwan hemi laekem gudfala laef an hemi wande stap hapi evri de, hemi mas no tok nogud, an hemi mas no laea.