Provebs 18:18 - Pijin Bible

¹⁸ Samfala pleim daes fo finisim raoa, hemi wanfala wei fo stopem faet long tufala bikman.

Pijin Deuterocanon

¹⁸ Samfala pleim daes fo finisim raoa, hemi wanfala wei fo stopem faet long tufala bikman.

Provebs 18:18 Iomraidhean Croise

1 Kronikols 24:31

Olketa bin yusim spesol ston fo makem waka blong olketa laen ya long sem wei wea olketa duim fo olketa wantok hu i prist long laen blong Eron. King Deved, an Prist Sadok, an Prist Ahimelek, an olketa bikman long laen blong olketa prist an long olketa Livaet, olketa evriwan i witnes long samting ya. Evri laen hemi semsem nomoa, nomata hemi laen blong fasbon san, o hemi laen blong lasbon san.

1 Kronikols 6:63

An olketa givim go tuelfala taon long olketa laen blong Merari. Olketa taon ya i long distrik blong Ruben, an long distrik blong Gad, an long distrik blong Sebulun.

Nehemaea 11:1

Oraet, olketa lida i mekem hom blong olketa long Jerusalem, an olketa narafala pipol i yusim olketa spesol ston fo faendemaot wanem famili nao hemi mas stap long tambu taon ya. Long evri ten famili, olketa siusimaot wanfala famili fo muv go long taon, an naen narafala famili ya i stap nomoa long olketa ples blong olketa.

Provebs 16:33

Man hemi trae faendemaot wanem fo duim, Yawe nomoa hemi mekem ansa kamaot.

Provebs 18:17

Man talem kam toktok fastaem, bae olketa tingse hem toktru go kasem taem nara man hem kam askem olketa kuestin.

Provebs 18:19

Hemi had tumas fo go kolsap long brata hu hemi kros long yu, bikos hemi olsem biktaon wetem wolston raonem. Raoa blong hem, hemi olsem aean geit wea olketa lokem.

Josua 14:2

Olketa divaedem lan ya olsem wea Yawe bin talem long Mosis bifoa. Olketa rolem olketa spesol ston fo faendemaot wanem lan wea bae Yawe hemi givim go long olketa naenfala traeb blong olketa, wetem narafala haf long traeb blong Manase, wea i no garem eni lan yet.

1 Samuel 14:41

Den Sol hemi prea olsem, “Lod Yawe God blong Israel, plis yu givim stret ansa long mi.” Den ansa hemi kam olsem king wetem Jonatan i duim samting, bat olketa soldia i stret nomoa.

1 Samuel 14:42

Den hemi tok olsem long prist, “Yu faendemaot hu nao long mitufala i duim nogud samting ya.” An Yawe hemi somaot Jonatan.