Provebs 18:1 - Pijin Bible

¹ Man hem tingim seleva nomoa, hemi falom nomoa laek blong hem, an hemi agensim eni gudfala tingting.

Pijin Deuterocanon

¹ Man hem tingim seleva nomoa, hemi falom nomoa laek blong hem, an hemi agensim eni gudfala tingting.

Provebs 18:1 Iomraidhean Croise

Eksodas 33:16

?Sapos yu no go wetem mifala, hao nao olketa narafala pipol save dat yu hapi yet long mi an long olketa pipol blong yu? Bat sapos yu stap wetem mifala, bae hemi somaot dat mifala nao i deferen from evri narafala pipol long wol.”

Provebs 14:10

Man seleva save long hevi blong hem, an hem nomoa save long hapi blong hem seleva.

Provebs 17:14

Stat blong raoa hemi olsem wata hemi lus long smol hol long tangk, stopem bifoa bikfala faet i kamap.

Provebs 20:19

Man fo toktok tumas, hemi spoelem nara man. No go kolsap long kaen man olsem.

Provebs 20:3

Pipol tinghae long yu sapos yu les long raoa. Krangge man nomoa hemi raoa kuiktaem.

Provebs 24:21

Pikinini blong mi, tinghae long Yawe, an long lida. Yu no joenem olketa hu i agensim tufala.

Provebs 26:17

Taem yu joenem raoa blong nara man hemi olsem yu kasholem dog long ia blong hem.

Provebs 3:21

San blong mi, yu holetaet long waes blong yu, an kipim gudfala tingting. Lukaot, nogud yu lusim tufala.

Provebs 8:14

Oltaem mi save mekem gudfala plan an givim gudfala tingting. Mi save minim evri had samting, an mi garem paoa.

Jeremaea 15:17

Mi no sidaon long fist wetem olketa narafala pipol hu i gohed fo hapi an laf. Bat oltaem, mi gohed fo stap seleva nomoa, bikos yu fulumapem mi long kros blong yu fo olketa.

Matiu 13:11

Nao Jisas hemi sei long olketa, “Mi duim olsem bikos God hemi bin givim finis save long yufala fo luksave long olketa tru samting wea hemi staphaed insaet long kingdom long Heven. Bat olketa pipol ya, God hemi no givim save long olketa.

Matiu 13:44

Jisas hemi sei moa, “Kingdom long Heven, hemi olsem wanfala barava gudfala samting tumas wea hemi staphaed nomoa insaet long wanfala pisgraon. Nao wanfala man hemi faendem an hemi haedem moa. Man ya, hemi hapi fogud nao, so hemi go nomoa an salem evrisamting blong hem nao. An bihaen, hemi baem disfala pisgraon ya nao.

Gudnius abaotem Jisas Kraes wea Mak hemi raetem 1:35

Long barava eli moning, taem san hemi no kamap yet, Jisas hemi wekap nomoa an hemi go nao long wanfala ples wea no eniwan stap long hem, an hemi prea.

Gudnius abaotem Jisas Kraes wea Mak hemi raetem 4:11

Nao Jisas hemi talem olketa olsem, “God hemi bin givim yufala save finis fo luksave long olketa samting wea hemi staphaed insaet long kingdom blong God. Bat olketa nara pipol olketa mas herem olketa samting ya long tokpiksa nomoa.

Leta wea Pol hemi raetem go long sios long Rom 1:1

Mi Pol, wakaman blong Jisas Kraes. God hemi kolem mi fo kamap aposol, an hemi siusim mi fo talemaot Gudnius blong hem.

2 Korin 6:17

Dastawe Masta hemi sei olsem, “Yufala mas lusim olketa nara pipol, an yufala mas no stap kolsap long olketa. Yufala mas no tasim enisamting wea hemi no klin. Sapos yufala falom diswan, bae mi hapi long yufala.

Diutronomi 14:6

Yufala save kaikaim olketa animol wea fut blong hem hemi divaed long tufala haf an olketa save kaikaim gras olsem buluka.

Jiud 1:19

Olketa pipol olsem nao olketa save mekem sios fo divaed olobaot, bikos olketa falom nomoa ravis tingting blong disfala wol, an olketa no garem Spirit blong God.