Provebs 17:22 - Pijin Bible

²² Man hemi hapi, laef hemi helti. Man hemi filnogud, laef hemi bagarap.

Pijin Deuterocanon

²² Man hemi hapi, laef hemi helti. Man hemi filnogud, laef hemi bagarap.

Provebs 17:22 Iomraidhean Croise

Sams 22:15

Strong blong mi hemi finis nao, an tang blong mi hemi drae an hemi pas finis insaet long maos blong mi. An yu bin livim mi fo dae nomoa insaet long dast ya.

Provebs 12:25

Haat hemi wari, man hemi hevi, bat gud toktok save liftimap tingting blong hem.

Provebs 15:13

Man hemi hapi, fes hemi saen. Man hemi filnogud, laef hemi bagarap.

Provebs 16:24

Toktok wea hemi barava kaen, hemi olsem hani. Yu kaikaim, hemi suit an mekem yu filstrong.

Provebs 18:14

Man laek fo laef, hemi oraet nomata hemi sik. Bat hemi had tumas fo karim tingting hem filnogud.

Eklesiastes 2:2

Taem man hemi laf, hemi krangge nomoa ya. An olketa samting wea hemi save mekem man hemi hapi, hemi nating save helpem hem nomoa.

2 Korin 2:7

Distaem, hemi moabeta fo yufala fogivim hem an strongim tingting blong hem. Nogud biliv blong hem dae long sore.

2 Korin 7:10

Taem man hemi filnogud long wei wea hemi mekem hem sens olsem God laekem, hemi save sensim tingting blong hem, mekem God hemi sevem hem. So yumi no save sore long diskaen wei. Bat taem man hemi filnogud long wei blong man nomoa, hemi save mekem hem fo dae.