Provebs 17:13 - Pijin Bible

¹³ Sapos man hemi givim ravis samting fo sensimbaek gudfala samting, ravis samting bae stap olowe long famili blong hem.

Pijin Deuterocanon

¹³ Sapos man hemi givim ravis samting fo sensimbaek gudfala samting, ravis samting bae stap olowe long famili blong hem.

Provebs 17:13 Iomraidhean Croise

2 Samuel 12:10

Long wei wea yu go tekem woman ya, yu spoelem mi. Dastawe oltaem samfala long olketa wea i bon kam long laen blong yu, bae i dae long faet.

1 Kings 21:22

Yu bin mekem mi kros tumas, an mekem olketa pipol blong Israel fo sin tu. So laen blong yu bae i dae olsem laen blong King Jeroboam, san blong Nebat. An laen blong yu bae hemi lus olsem laen blong King Baasa, san blong Ahaeja.’

Sams 35:12

Mi duim nomoa olketa gudfala samting long olketa, bat olketa duim nomoa olketa nogud samting long mi, so kolsap tingting blong mi hemi wikdaon finis.

Sams 38:20

Fo olketa gudfala samting wea mi bin duim, olketa sensimbaek nomoa long olketa nogud samting. Olketa kaen pipol ya nao i agensim mi bikos mi duim olketa stretfala samting.

Provebs 13:21

Trabol falom nogud man, nambawan laef falom stret man.

Matiu 27:25

Nao olketa pipol ya olketa sei long hem, “!Hemi oraet, dae blong disfala man hemi bisnis blong mifala an blong evriwan long laen blong mifala bihaen!”

Matiu 27:5

So Jiudas hemi torowem go olketa seleni ya insaet long Tambuhaos ya, an hemi go aotsaet nao. Bihaen moa, hemi go an hangem hem seleva nao.

Leta wea Pol hemi raetem go long sios long Rom 12:17

Sapos eniwan duim ravis samting long yufala, yufala mas no sensimbaek, bat yufala mas duim nomoa wanem hemi stret long ae blong evriwan.

1 Tesalonaeka 5:15

Nao taem wanfala man hemi duim rong samting long eniwan, yufala mas meksua no eniwan hemi sensimbaek. Bat evritaem, yufala mas traehad fo duim olketa gudfala samting fo eniwan long yufala, an fo olketa narafala pipol tu.

1 Pita 3:9

Taem eniwan hemi duim samting nogud long yufala, yufala no sensimbaek moa long hem. An taem eniwan hemi tok nogud long yufala, yufala no tok nogud moa long hem. Nomoa. Yufala mas prea long God, mekem hemi blesim disfala man. Bikos God hemi bin kolem yufala fo blesim pipol, an hemi promis dat bae hemi blesim yufala.

1 Samuel 19:4

So long neks de, Jonatan hemi talem dadi blong hem abaotem evri gud samting wea Deved hemi duim. Hemi tok olsem, “Yu nao yu king. Hemi nogud fo yu mekem enisamting long man ya. Hemi wakaman blong yu nomoa, an hemi nating mekem enisamting wea hemi nogud long yu. Olketa samting wea hemi bin mekem hemi helpem yu tumas.

1 Samuel 24:17

Den Sol hemi tok olsem long hem, “Yu nao yu stret an mi rong. Yu gohed fo duim gudfala samting long mi, bat mi gohed fo duim samting nogud long yu.

1 Samuel 25:21

Deved hemi jes talem finis olsem, “?Waswe nao mi gadem gudfala evrisamting blong man ya long drae eria? !No eniwan hemi stilim enisamting blong hem! !Mi helpem hem gudfala! !Bat hem hemi mekem nogud long mi!