Provebs 16:33 - Pijin Bible

³³ Man hemi trae faendemaot wanem fo duim, Yawe nomoa hemi mekem ansa kamaot.

Pijin Deuterocanon

³³ Man hemi trae faendemaot wanem fo duim, Yawe nomoa hemi mekem ansa kamaot.

Provebs 16:33 Iomraidhean Croise

Nehemaea 11:1

Oraet, olketa lida i mekem hom blong olketa long Jerusalem, an olketa narafala pipol i yusim olketa spesol ston fo faendemaot wanem famili nao hemi mas stap long tambu taon ya. Long evri ten famili, olketa siusimaot wanfala famili fo muv go long taon, an naen narafala famili ya i stap nomoa long olketa ples blong olketa.

Provebs 16:32

Man hemi no kros kuiktaem, hemi strong winim nambawan soldia. Man save kontrolem kros blong hem, hemi strong winim man hu hemi save kontrolem wanfala taon long faet.

Provebs 18:18

Samfala pleim daes fo finisim raoa, hemi wanfala wei fo stopem faet long tufala bikman.

Provebs 29:26

Plande man laek toktok long sif, bat Yawe nomoa save mekem man garem raet blong hem.

Esikiel 21:21

Datfala king hemi stanap long saen ya, long ples wea rod hemi divaed long hem. Long datfala ples nao, hemi gohed fo holem olketa aro an hemi sekem olketa, an hemi tok long olketa kaving god blong hem fo faendemaot tingting blong olketa, an hemi gohed fo luklukgud long liva blong animol wea hemi bin sakrifaesim long olketa god blong hem. Hemi duim kaen majik olsem fo faendemaot rod wea bae hemi go falom.

Levitikas 16:8

Long dea, hemi mas yusim tufala spesol ston, wea olketa bin makem ‘Blong Yawe’ long wanfala, an ‘Blong Asasel’ long narawan. An hemi mas yusim tufala ston ya fo faendemaot wanem nanigot hemi blong mi an wanem nanigot hemi go long Asasel.

Jona 1:7

Olketa kru long dek i tok olsem long olketa seleva, “Yumi pleim daes fo faendemaot hu nao hemi mekem disfala trabol fo kasem yumi.” So, olketa godaon fo pleim daes, an hemi somaot nomoa Jona.

Aposol 1:26

Bihaen, olketa rolem spesol ston fo siusim niufala aposol. An tufala ston somaot Mataeas, so hemi kamap mektuel long olketa aposol.

Josua 18:10

Den long frant long Yawe, Josua hemi rolem olketa spesol ston fo somaot eria wea Yawe bae hemi givim long olketa traeb fo onam. Hem nao wei wea Josua hemi divaedem olketa eria go long sevenfala traeb wea i no onam yet eni lan.

Josua 18:5

Bae olketa mas divaedem lan ya long sevenfala eria. An olketa mas raetemdaon ripot abaotem olketa spialaen long olketa eria ya, an mas tekem kambaek olketa ripot ya long mi. Bae mi rolem olketa spesol ston fo somaot dat olketa lan ya, Yawe hu hemi God blong yumi nao hemi givim long olketa traeb blong yufala. Bat olketa long traeb blong Jiuda bae i stap finis long eria long saot. An olketa long traeb blong Josef bae i stap finis long tufala eria long not wea i no insaet long eria blong olketa sevenfala wea yufala divaedem distaem.

Josua 7:14

Yu mas talem olketa dat tumoro long moning, bae yufala evriwan mas kam long mi long olketa traeb. Traeb wea mi makem, bae mas kam long mi long olketa laen. An laen wea mi makem, bae mas kam long mi long olketa famili. An famili wea mi makem, evriwan long famili ya mas kam long mi.

Jajis 20:9

Bat yumi mas faendemaot long God olsem hu long yumi nao bae hemi go fo faetem olketa man blong Gibea.

1 Samuel 10:19

Mi nao God blong yufala wea mi bin sevem yufala from olketa trabol an hadtaem blong yufala bifoa. Bat tude, yufala les long mi, an yufala laekem tumas wanfala king. Oraet, yufala mas divaed long olketa traeb an laen blong yufala, nao yufala kam long mi, mekem mi siusim king blong yufala.”