Provebs 16:23 - Pijin Bible

²³ Haat blong waes man hemi lidim toktok blong hem, an hemi save tanem tingting blong nara man

Pijin Deuterocanon

²³ Haat blong waes man hemi lidim toktok blong hem, an hemi save tanem tingting blong nara man

Provebs 16:23 Iomraidhean Croise

Stori abaotem Job 15:2

Waesman hemi no toktok nating olsem, an hemi no fulumap maos blong hem long win nomoa.

Stori abaotem Job 8:10

Hemi gud fo yu herem olketa waes toktok blong olketa olo blong yumi bifoa. Olketa olo save talemaot olketa gud samting fo yu.

Sams 45:1

Taem mi wakem disfala singsing blong king, tingting blong mi hemi fulap long olketa gudfala toktok. Tang blong mi hemi redi nomoa fo singsing, olsem pensel blong man wea hemi save raet gudfala tumas taem hemi raet long pepa.

Provebs 15:28

Gudfala man hemi tingting gud fastaem, bihaen hemi tok. Ravis man hemi toraotem ravis toktok nomoa.

Provebs 15:7

Toktok blong waes man, hemi searemaot save, bat haat blong krangge man hemi no save duim olsem.

Provebs 16:21

Man wea hemi waes, pipol save hemi garem gud tingting. Gudfala toktok mekem plande pipol fo save moa.

Provebs 16:22

Gudfala save, hemi mekem laef hemi kamap. Bat krangge tingting, hemi mekem panis kamap nomoa.

Provebs 5:2

Sapos yu duim olsem, bae yu save falom gudfala tingting, an tok blong yu bae somaot dat yu garem save.

Kolosi 3:16

Yufala mas letem toktok ya blong Kraes wea hemi fulap long olketa gudfala samting, fo hemi stap oltaem insaet long maen blong yufala. An yufala mas gohed fo yusim olketa waes toktok fo stretem yufala an fo tisim yufala evriwan gudfala. An hemi gud fo yufala preisim God long maen blong yufala, an gohed fo singim olketa singsing blong Buktambu an olketa singsing blong lotu an olketa nara singsing wea Holi Spirit hemi save givim kam.