Provebs 16:22 - Pijin Bible

²² Gudfala save, hemi mekem laef hemi kamap. Bat krangge tingting, hemi mekem panis kamap nomoa.

Pijin Deuterocanon

²² Gudfala save, hemi mekem laef hemi kamap. Bat krangge tingting, hemi mekem panis kamap nomoa.

Provebs 16:22 Iomraidhean Croise

Provebs 10:11

Gudfala laef i kam from tok blong gudfala man, ravis pipol, tok fo haedem trabol.

Provebs 13:14

Tising blong waesman hemi wata blong laef, hemi sevem man from dae.

Provebs 14:27

Fo tinghae long Yawe, hemi wata blong laef, hemi sevem man from dae.

Provebs 15:2

Toktok blong waes man, hemi givimaot save. Toktok blong krangge man, hemi givimaot nating.

Provebs 15:28

Gudfala man hemi tingting gud fastaem, bihaen hemi tok. Ravis man hemi toraotem ravis toktok nomoa.

Provebs 16:21

Man wea hemi waes, pipol save hemi garem gud tingting. Gudfala toktok mekem plande pipol fo save moa.

Provebs 16:23

Haat blong waes man hemi lidim toktok blong hem, an hemi save tanem tingting blong nara man

Provebs 18:4

Toktok blong waes man, hemi save dip tumas. Waes toktok, hemi save kamap olsem springwata.

Provebs 18:7

Toktok blong krangge man, hemi spoelem hem seleva. Hemi olsem wanfala trap fo hem seleva.

Provebs 3:22

Tufala save givim gud laef long yu, an laef blong yu bae hemi luknaes.

Matiu 15:14

So yufala no wari long olketa Farasi ya. Olketa trae fo lidim olketa blaen pipol, bat olketa seleva olketa blaen tu ya. An yufala save, sapos wanfala blaen man hemi lidim nara blaen man, bae tufala evriwan i foldaon insaet long hol nao ya.”

Gudnius abaotem Jisas Kraes wea Jon hemi raetem 5:24

“Mi talem yufala tru samting nao, sapos eniwan hemi herem an obeim evri toktok blong mi an hemi biliv long Dadi hu hemi sendem mi kam, man ya hemi garem tru laef wea hemi no save finis. Man olsem ya, bae olketa no jajem hem ya bikos hemi olsem man hu hemi dae finis bat hemi laefbaek moa.

Gudnius abaotem Jisas Kraes wea Jon hemi raetem 6:63

Holi Spirit nomoa hemi givim laef, bat man seleva hemi no save duim diswan. An toktok blong mi, hem nao hemi mekem yufala garem Holi Spirit hu hemi givim laef.

Gudnius abaotem Jisas Kraes wea Jon hemi raetem 6:68

Saemon Pita hemi ansarem hem olsem, “Masta, mifala no garem eni nara man moa fo falom ya. Toktok blong yu nomoa hemi save mekem man fo garem tru laef wea hemi no save finis.