Provebs 15:5 - Pijin Bible

⁵ Krangge pikinini hemi no lisin long dadi. Bat pikinini wea hemi lisin long dadi, hemi waes.

Pijin Deuterocanon

⁵ Krangge pikinini hemi no lisin long dadi. Bat pikinini wea hemi lisin long dadi, hemi waes.

Provebs 15:5 Iomraidhean Croise

1 Kronikols 28:20

Nao Deved hemi tok moa olsem long Solomon, “Yu mas no fraet, an tingting blong yu mas no wikdaon. Tingting blong yu mas strong, an oltaem yu mas stanap strong fo duim disfala waka, bikos Yawe hu hemi God blong mi, hemi stap wetem yu. Bae hemi save helpem yu an no lusim yu go-go yu finisim olketa waka wea yu mas mekem long Tambuhaos blong Yawe.

1 Kronikols 28:9

King Deved hemi tok olsem long Solomon, “San blong mi, tinghevi long Yawe hu hemi God blong mi. Yu mas barava obeim hem, an yu mas wiling tumas fo duim waka blong hem. Yawe nao hemi save long olketa tingting blong yumi, an hemi save tumas long evrisamting wea yumi laekem. Sapos yu lukaotem hem, bae yu save faendem hem, bat sapos yu lusim hem, bae hemi barava les long yu olowe.

Sams 141:5

Hemi gud nomoa sapos wanfala gudfala man hemi panisim mi an tokstrong long mi fo stretem mi, bat mi no save letem olketa nogud pipol i onarem mi, bikos oltaem nomoa mi prea agensim olketa ravis samting wea olketa ya i duim.

Provebs 1:23

Lisin kam taem mi stretem yufala. Bae mi advaesim yufala, an mekem yufala savegud long toktok blong mi.

Provebs 1:7

Stat blong save nao, yu tinghae long Yawe. Bat krangge pipol les long waes toktok an nating falom gudfala advaes.

Provebs 10:1

Hem nao olketa waes toktok blong Solomon. Dadi blong waesman, hapi olowe, mami blong bikhed man, sore an krae.

Provebs 13:1

Waes pikinini lisin long dadi blong hem, bikhed pikinini no save lisin.

Provebs 13:18

Man hemi les fo eniwan i stretem hem, bae hemi kamap pua an filsem. Bat man hemi lisin long olketa hu i stretem hem, bae pipol tinghae long hem.

Provebs 15:4

Toktok fo mekem man strong, hemi liftimap laef blong man, bat olketa toklaea hemi mekem man filnogud.

Provebs 15:6

Olketa stretfala man i garem plande gudfala samting, bat trabol nomoa hemi pei blong olketa man nogud.

Provebs 19:20

Lisin long advaes, herem gudfala toktok, go-go bae yu waes.

Provebs 25:12

Taem waes man tok fo stretem man hu hemi save lisin, hemi olsem naesfala gol ring an sen.

Provebs 6:23

Evri strongfala toktok ya nao laet, an disfala tising nao hemi laet. Hem save stretem yu, mekem yu kasem laef.

Taetas 1:13

So yu mas tokhad long olketa laea tisa ya, mekem olketa biliv moa long disfala tru tising.

Taetas 2:15

Oltaem yu mas tisim olketa pipol abaotem evrisamting mi tokabaotem. Yu mas yusim evri paoa wea yu garem fo strongim tingting blong olketa an fo tokhad long olketa taem olketa no falom toktok ya. Nogud nao samfala man save tingdaonem yu.