Provebs 15:25 - Pijin Bible

²⁵ Yawe hemi spoelem haos blong man hu hemi strong tumas, bat hemi lukaftarem ples blong wido.

Pijin Deuterocanon

²⁵ Yawe hemi spoelem haos blong man hu hemi strong tumas, bat hemi lukaftarem ples blong wido.

Provebs 15:25 Iomraidhean Croise

Stori abaotem Job 24:21

Olketa ravis pipol ya i mekful long olketa woman hu i no garem pikinini. An olketa ya i spoelem olketa wido tu.

Sams 10:14

Yu bin lukim finis olketa samting ya, an yu bin save nomoa long olketa hu i stap long trabol, an olketa hu i safa, an oltaem yu redi nomoa fo helpem olketa. Olketa hu i wik, i gohed fo putum olketa seleva long han blong yu, an oltaem yu gohed fo helpem olketa wea i no garem eniwan fo helpem olketa.

Sams 138:6

Nomata yu hae tumas, oltaem yu lukaftarem nomoa olketa pipol hu i hambol. Bat olketa praod pipol i no save haed from yu.

Sams 146:9

Hemi gohed fo lukaftarem olketa strensa wea i stap long ples blong yumi, an hemi gohed fo helpem olketa wido an long olketa pikinini wea dadi blong olketa hemi dae finis. Bat hemi gohed fo spoelem olketa plan blong olketa nogud pipol.

Sams 52:1

!Sei Strongman! ?Waswe nao yu tokpraod abaotem olketa ravis samting wea yu bin duim agensim olketa hu God hemi lavem?

Sams 52:5

Dastawe bae God hemi spoelem yu olowe nao. Bae hemi kam an hemi tekem yu aot from hom blong yu. Ya, bae hemi finisim laef blong yu from disfala wol.

Provebs 12:7

Evri nogud man bae i lus, no eniwan bae stap. Evri gud man bae stap an laen blong hem bae kamap plande fogud.

Provebs 14:11

Haos blong man nogud, bae hemi brekdaon, bat haos blong gudfala man, bae hemi stap olowe.

Provebs 15:26

Yawe hemi les long tingting blong ravis man, bat toktok wea hemi gud, hemi klin long ae blong hem.

Provebs 23:10

Yu no muvum mak blong spialaen blong pisgraon wea olketa olo bifoa kam i putum. Yu no tekem eni lelebet pisgraon blong olketa hu i lusim dadi.

Aesaea 1:17

Yufala mas lanem nomoa olketa wei wea hemi stret. Yufala mas kipim disfala wei fo duim olketa samting long stretfala wei, an yufala mas stretem nogud wei blong pipol hu i gohed fo spoelem olketa narafala pipol. Yufala mas helpem olketa pikinini wea mami an dadi blong olketa i dae finis, an olketa wido tu.”

Aesaea 2:12

Long datfala taem tu, Yawe hu hemi garem evri paoa bae hemi daonem olketa pipol hu i praod.

Jeremaea 5:28

Oltaem, olketa kaikaim gudfala kaikai, mekem olketa fat fogud. Olketa no save stop fo no duim enikaen ravis samting nao. Olketa no save saetem olketa pikinini wea mami an dadi blong olketa i dae finis. An olketa no save helpem olketa pua pipol wea olketa narafala pipol i spoelem olketa.

Daniel 5:20

Bat bikos hemi praod tumas, an hemi bikhed tumas, an hemi gohed fo mekem olketa pipol safa tumas, God hemi tekemaot paoa blong hem olsem king, an no eniwan hemi tinghae moa long hem.

Diutronomi 19:14

Mosis hemi gohed fo tok olsem, “Long lan wea Yawe, God blong yufala, hemi givim long yufala fo onam, bae yu mas no muvum olketa ston wea olketa olo i putum fo makem baondri long pisgraon blong wantok blong yu.”

Jemes 1:27

Bat gudfala wei blong Kristin wea hemi barava stret long God Dadi blong yumi, hem nao fo helpem olketa wido woman an olketa pikinini wea mami an dadi blong olketa i dae finis, an fo no letem olketa ravis samting long wol fo spoelem gudfala laef blong yumi.

1 Pita 5:5

Long sem wei tu, yufala olketa yangman yufala mas putum yufala andanit long paoa blong olketa olo. An yufala evriwan mas hambol an helpem olketa fren blong yufala. Bikos Buktambu hemi sei, “God hemi nating laekem eniwan hu hemi praod, bat hemi somaot kaenfala lav blong hem long pipol hu i hambol.”