Provebs 15:24 - Pijin Bible

²⁴ Rod blong waes man hemi go kasem laef, an hemi nating godaon kasem dae.

Pijin Deuterocanon

²⁴ Rod blong waes man hemi go kasem laef, an hemi nating godaon kasem dae.

Provebs 15:24 Iomraidhean Croise

Sams 139:24

Plis, yu lukluk kam long laef blong mi, nogud eni ravis wei hemi stap yet long hem. Plis, yu lidim mi long gudfala wei blong yu wea hemi no save finis. (Singsing blong Deved.)

Sams 16:11

Yu bin som mi olketa wei fo kasem tru laef, an taem yu stap wetem mi, bae yu mekem mi hapi fogud. (Prea blong Deved.)

Provebs 2:18

Haos blong woman ya hemi ples fo dae, go long hem an bae yu dae.

Provebs 23:14

Taem yu panisim hem, yu save sevem laef blong hem.

Provebs 4:18

Bat stretfala wei hemi olsem fas laet long moning, hemi gohed fo saen gogo hemi olsem san hemi kamap.

Provebs 5:5

Bae hemi lidim yu go long ples fo dae.

Provebs 6:23

Evri strongfala toktok ya nao laet, an disfala tising nao hemi laet. Hem save stretem yu, mekem yu kasem laef.

Provebs 7:27

Fo go long haos blong hem, hem nao bikrod godaon long grev.

Provebs 9:8

No trae fo stretem man fo toknogud bae hemi heitem yu. Stretem waes man bae hemi lavem yu.

Jeremaea 21:8

“Den yutufala talemaot long olketa pipol disfala narafala samting moa: Yawe nao hemi tok olsem, ‘Olketa. Mi Yawe mi putum tufala rod long frant blong yufala. Wanfala hemi rod blong laef, an narawan hemi rod blong dae. Yufala mas siusim watkaen rod wea yufala laek fo falom.

Matiu 7:14

Bat geit wea hemi smolfala nomoa an rod wea hemi had fo go long hem, hem nao hemi go kasem tru laef an hemi no plande pipol nao wea olketa faendem.”

Gudnius abaotem Jisas Kraes wea Jon hemi raetem 14:6

Nao Jisas hemi talem hem olsem, “Mi nao mi disfala rod an mi save talem evri tru samting an mi save givim laef. No eniwan save go long Dadi ya long eni nara rod, mi nomoa mi rod fo go long hem.

Diutronomi 32:22

Kros blong mi hemi laet olsem bikfala faea wea hem save bonem evrisamting long disfala wol an godaon kasem ples blong olketa man dae. Bae hemi bonem evri gaden blong yufala, an hem save bonem andanit long olketa maonten tu.

Filipae 3:20

Bat yumi nao, yumi olketa barava pipol blong heven. An yumi weitem nomoa Masta an Sevia blong yumi Jisas Kraes, fo hemi kamdaon from heven.