Provebs 15:13 - Pijin Bible

¹³ Man hemi hapi, fes hemi saen. Man hemi filnogud, laef hemi bagarap.

Pijin Deuterocanon

¹³ Man hemi hapi, fes hemi saen. Man hemi filnogud, laef hemi bagarap.

Provebs 15:13 Iomraidhean Croise

Nehemaea 2:2

So hemi askem mi olsem, “?Nehemaea, waswe nao yu luk sore tumas? Mi save dat yu no sik. Ating wanfala samting hemi mas mekem yu filnogud olsem.” Mi sek long toktok ya blong hem, an mi fraet,

Provebs 12:25

Haat hemi wari, man hemi hevi, bat gud toktok save liftimap tingting blong hem.

Provebs 14:30

Garem kuaet tingting, bae yu helti. Garem joles tingting, bae yu kansa.

Provebs 15:15

Man garem hadtaem, laef hemi stragol olowe. Man hemi hapi, laef hemi olsem fist.

Provebs 17:22

Man hemi hapi, laef hemi helti. Man hemi filnogud, laef hemi bagarap.

Provebs 18:14

Man laek fo laef, hemi oraet nomata hemi sik. Bat hemi had tumas fo karim tingting hem filnogud.

Gudnius abaotem Jisas Kraes wea Jon hemi raetem 14:1

Jisas hemi tok olsem long olketa disaepol blong hem, “Yufala no wari. Yufala mas biliv long God an biliv long mi tu.

2 Korin 1:12

Mifala praod bikos tingting blong mifala hemi somaot dat mifala no falom save blong man, bat mifala falom nomoa paoa blong kaenfala lav blong God. Hemi olsem bikos mifala toktru olowe an mifala falom stretfala wei wea God hemi laekem. Oltaem, mifala duim olsem. An taem mifala stap wetem yufala, mifala bin duim olsem tu.

2 Korin 2:7

Distaem, hemi moabeta fo yufala fogivim hem an strongim tingting blong hem. Nogud biliv blong hem dae long sore.

2 Korin 7:10

Taem man hemi filnogud long wei wea hemi mekem hem sens olsem God laekem, hemi save sensim tingting blong hem, mekem God hemi sevem hem. So yumi no save sore long diskaen wei. Bat taem man hemi filnogud long wei blong man nomoa, hemi save mekem hem fo dae.