Provebs 14:5 - Pijin Bible

⁵ Gudfala witnes, hemi no save laea, ravis witnes, hemi save laea nomoa.

Pijin Deuterocanon

⁵ Gudfala witnes, hemi no save laea, ravis witnes, hemi save laea nomoa.

Provebs 14:5 Iomraidhean Croise

1 Kings 21:13

Den tufala man fo mekem trabol i sidaon kolsap long hem an tok agensim hem long frant long olketa bikman. Olketa sei wea hemi bin toknogud long God, an long king tu. Den olketa tekem hem go aotsaet from taon, an olketa sutim hem long ston go-go hemi dae.

Eksodas 20:16

“Yufala mas no laea abaotem wantok blong yufala.

Eksodas 23:1

Yawe hemi gohed fo tok olsem long Mosis, “Yufala mas no talem olketa laea abaotem narafala pipol. Sapos yufala witnes fo wanfala man long kot, yufala mas no talem olketa laea fo helpem man hu hemi no stret.

Provebs 12:17

Stret man talem tru toktok long kot, konman hemi laea nomoa.

Provebs 13:5

Stretfala pipol i les long kon, konman i mekem man fo sem.

Provebs 14:25

Witnes hemi toktru, hemi sevem laef, witnes hemi toklaea, hemi kilim man dae.

Provebs 14:4

Man no garem buluka, hemi no garem kaikai, bat man garem strongfala buluka, bae hemi garem gudfala gaden.

Provebs 14:6

Man fo toknogud i save lukaotem waes tingting, bat no save kasem. Man hu hemi garem gud tingting, hemi kasem save.

Provebs 19:5

Laea long kot, bae yu panis. Kon olowe, bae yu nating fri.

Provebs 19:9

Laea long kot, bae yu panis. Kon olowe, bae yu dae.

Diutronomi 19:16

Maet wanfala man hemi talemaot toktok agensim narafala man, bat hemi laea fo spoelem hem.

Revelesin 1:5

An lav an piis hemi kam tu from Jisas Kraes wea hemi man fo talemaot stret olketa toktok blong God, an hemi fas man fo laefbaek moa from dae, an wea hemi garem paoa ovarem evri king long wol. Jisas Kraes hemi lavem yumi tumas, an taem hemi dae olsem wanfala sakrifaes hemi peimaot yumi evriwan from olketa sin blong yumi.

Revelesin 3:14

Disfala man hemi tok olsem moa, “An yu mas raet go long enjel blong sios blong Leodisia, an yu sei olsem, ‘Hem nao toktok blong mi wea mi nao man fo somaot dat olketa promis blong God hemi tru. An mi nao man fo talemaot stret olketa toktok blong hem, an mi tok tru nomoa. An evrisamting wea God hemi mekem, hemi stat kam long mi nao.