Provebs 14:28 - Pijin Bible

²⁸ Lida blong plande pipol, hemi garem hae nem. Lida blong tu-tri man, hemi samting nating nomoa.

Pijin Deuterocanon

²⁸ Lida blong plande pipol, hemi garem hae nem. Lida blong tu-tri man, hemi samting nating nomoa.

Provebs 14:28 Iomraidhean Croise

2 Samuel 19:7

Distaem yu mas go strongim tingting blong olketa soldia blong yu. Mi toktru long ae blong Yawe, sapos yu no go duim distaem, evriwan bae lusim yu bifoa hemi tudak. An trabol wea bae hemi kamap, bae hemi bikfala moa winim eni narafala trabol wea yu bin garem long laef blong yu.”

2 Samuel 24:3

Bat Joab hemi tok olsem long king, “Letem Yawe hemi mekem namba blong olketa soldia blong yumi fo kamap plande moa, mekem namba hemi handred taem moa winim distaem. An mi laekem yu, king an masta blong mi fo lukim samting ya. ?Waswe nao yu laek fo mekem sensas ya?”

1 Kings 20:27

An King Ehab tu hemi kolem kam olketa soldia blong Israel fo faet. An hemi givim olketa kaikai long olketa, an bihaen olketa go fo fesim olketa soldia blong Siria. Ami blong Israel hemi go stap kolsap long ami blong Siria. Nao ami blong Israel i luk olsem smolfala seksin long olketa nanigot nomoa. Bat ami blong Siria i barava fulap long eria long Afek.

2 Kings 13:7

Long datfala taem, King Jehoahas hemi no garem plande man fo faet, bikos king blong Siria hemi bin spoelem an kilim olketa dae. Hemi garem nomoa fifti soldia wea i raed long hos, an tenfala kaat fo faet, an 10,000 soldia.

Eksodas 1:12

Bat nomata olsem, namba blong olketa blong Israel hemi gohed fo kam antap moa, an olketa kamap strong moa long evri ples long kantri ya. Nao olketa blong Ijip i gohed fo fraet moa long olketa.

Eksodas 1:22

So king hemi tokstrong long olketa pipol blong hem olsem, “Sapos eni Hibru woman hemi bonem pikinini boe, yufala mas torowem pikinini ya long Nael Riva fo hemi dae, bat letem evri pikinini gele hemi laef.”

Provebs 14:27

Fo tinghae long Yawe, hemi wata blong laef, hemi sevem man from dae.

Provebs 14:29

Man no save kros kuiktaem, hemi waes fogud. Man save kros kuiktaem, hemi krangge fogud.

Jeremaea 13:20

!Olketa pipol blong Jerusalem! !Yufala lukim! !Distaem olketa enemi blong yufala i kam nao from not! Yufala i praod tumas long olketa taon long Jiuda wea God hemi givim long yufala fo lukaftarem olsem gudfala sipsip. ?Bat wea nao olketa taon ya?