Provebs 14:14 - Pijin Bible

¹⁴ Man hemi lusim God, bae hemi fulap long ravis wei blong hem seleva, bat gudfala man, bae garem plande gudfala samting.

Pijin Deuterocanon

¹⁴ Man hemi lusim God, bae hemi fulap long ravis wei blong hem seleva, bat gudfala man, bae garem plande gudfala samting.

Provebs 14:14 Iomraidhean Croise

Sams 109:17

Man ya hemi laekem tumas fo mekem trabol fo kasem olketa narafala pipol. !So hemi gud sapos trabol ya hemi kasem hem seleva! Hemi no laek fo duim eni gudfala samting fo olketa narafala pipol. !So no letem eni gudfala samting fo kam long hem!

Provebs 12:14

Evri gud toktok mekem man gud, olsem frut long hadwaka blong hem.

Provebs 12:21

Stret man, trabol no save kasem hem, nogud man, bae trabol olowe.

Provebs 14:10

Man seleva save long hevi blong hem, an hem nomoa save long hapi blong hem seleva.

Provebs 14:15

Man no garem save, bae biliv long enisamting. Man garem gudfala save, bae hemi tingim wei fo falom.

Provebs 18:20

Toktok blong man hemi olsem kaikai, wanem hemi talem save mekem hem hapi.

Provebs 9:12

Sapos yu waes, bae yu hapi. Sapos yu les long save, bae yu safa.

Jeremaea 17:5

Yawe nao hemi gohed fo tok olsem, “Man hu hemi les long mi Yawe, bat oltaem hemi gohed fo trastem man, an dipen long paoa blong man nomoa, bae mi jajem hem an mekem bikfala trabol fo kasem hem.

Jeremaea 2:19

Yufala bin lusim mi, so bae mi letem yufala fo stap farawe from mi. Bae mi letem yufala gohed fo stap long olketa ravis wei blong yufala. Hem nao hemi panis blong yufala. From samting ya nao, bae yufala luksave dat disfala wei wea yufala i lusim mi an no tinghae long mi, hemi barava ravis wei nao, an from samting ya bae yufala mas safa.” Hem nao mesij blong Lod Yawe hu hemi garem evri paoa.

Jeremaea 8:5

?Bat waswe nao yufala blong Jerusalem i lusim mi, nao yufala no laek fo taneraon an kambaek long mi moa? Yufala gohed fo bilivim evri laea blong yufala seleva, an yufala les fo kambaek long mi.

Esikiel 22:31

So, kros blong mi hemi bik tumas olsem barava hot faea, an bae mi spoelem olketa from olketa ravis samting wea olketa duim. Hem nao mesij blong mi Lod Yawe.”

Hosia 4:16

Olketa pipol blong Israel i bikhed tumas olsem wanfala buluka. Dastawe nao mi no save lukaftarem olketa, fo hemi olsem man wea hemi lidim olketa smolfala sipsip fo kaikai long gudfala gras.

Sefenaea 1:6

Olketa hu i agensim mi Yawe an les fo falom mi, an olketa hu i no prea long mi, bae mi finisim olketa evriwan.

Gudnius abaotem Jisas Kraes wea Jon hemi raetem 4:14

Bat man hu hemi dring long wata wea bae mi givim long hem, disfala man bae hemi barava fulap olowe. Disfala wata wea bae mi givim ya, bae hemi wanfala wata wea hemi ka-kam olowe insaet long man ya fo givim hem tru laef wea hemi no save finis.”

2 Korin 1:12

Mifala praod bikos tingting blong mifala hemi somaot dat mifala no falom save blong man, bat mifala falom nomoa paoa blong kaenfala lav blong God. Hemi olsem bikos mifala toktru olowe an mifala falom stretfala wei wea God hemi laekem. Oltaem, mifala duim olsem. An taem mifala stap wetem yufala, mifala bin duim olsem tu.

Galesia 6:4

Evriwan mas lukluk gud long hem seleva, sapos waka blong hem hemi gud o nomoa. Sapos waka blong hem hemi gud, hemi save hapi long wei blong hem seleva, nomata hemi no lukluk tumas long wei blong nara man.

Galesia 6:8

Man hu hemi plantem enisamting falom wei blong man fo sin, bae wei blong dae nao hemi kamaot long diswan. Bat man hu hemi plantem enisamting falom wei blong Holi Spirit, bae tru laef wea hemi no save finis nao hemi kamaot long wanem hemi plantem.

Hibrus 3:12

Olketa Kristin fren, yufala mas lukaot, nogud eniwan long yufala hemi gorong long tingting blong hem, mekem hemi lusim biliv blong hem an hemi lusim God hu hemi laef.