Provebs 14:11 - Pijin Bible

¹¹ Haos blong man nogud, bae hemi brekdaon, bat haos blong gudfala man, bae hemi stap olowe.

Pijin Deuterocanon

¹¹ Haos blong man nogud, bae hemi brekdaon, bat haos blong gudfala man, bae hemi stap olowe.

Provebs 14:11 Iomraidhean Croise

Stori abaotem Job 15:34

Fren blong man hu hemi no biliv long God, bae hemi no garem eni pikinini. An faea bae hemi spoelem haos blong man hu hemi laekem pipol fo nilam hem long seleni.

Stori abaotem Job 18:21

Hem nao trabol wea bae hemi kasem man nogud. Ya, hem nao fiusa blong man hu hemi les long God.

Stori abaotem Job 21:28

Yutrifala gohed fo ask olsem, “?Wea nao ples blong bikman? Wea nao haostent blong ravis man?”

Stori abaotem Job 8:15

Taem man hemi trastem olketa samting blong hem, hemi olsem hemi holem string long haos blong spaeda go-go hemi brekem an man hem foldaon.

Stori abaotem Job 8:22

God bae hemi mekem olketa enemi blong yu fo sem, an bae hemi spoelem finis evri ples blong olketa nogud pipol.

Stori abaotem Job 8:6

Sapos laef blong yu hemi gud an hemi stret, bae hemi stat fo helpem yu. An evrisamting wea yu garem fastaem, bae hemi givimbaek long yu.

Sams 128:3

Waef blong yu bae hemi garem plande pikinini, olsem grep tri wea hemi garem plande frut long hem, an olketa pikinini ya bae i stap raonem tebol blong yu olsem olketa smolfala oliv tri wea i grou raonem botom blong tri.

Sams 37:10

No longtaem, bae olketa nogud pipol i lus. Nomata yu lukaotem olketa, bae yu no save faendem olketa.

Provebs 11:28

Man trastem seleni nomoa, hemi olsem dae lif, laef blong stretfala man, hemi olsem grinfala lif.

Provebs 12:7

Evri nogud man bae i lus, no eniwan bae stap. Evri gud man bae stap an laen blong hem bae kamap plande fogud.

Provebs 15:25

Yawe hemi spoelem haos blong man hu hemi strong tumas, bat hemi lukaftarem ples blong wido.

Provebs 21:12

God hu hemi stret tumas, hemi luksave long olketa nogud pipol, bae hemi panisim olketa.

Provebs 21:20

Waesman garem plande gudfala samting long haos, krangge man finisim evrisamting.

Provebs 3:33

Yawe mekem trabol kasem famili blong nogud man, bat hemi blesim famili blong stretfala man.

Sekaraea 5:4

Hem ya mesij blong Yawe hu hemi garem evri paoa. Hemi tok olsem, ?Bae mi sendem toktok goaot long haos blong olketa man fo stil, an long haos blong olketa man hu hemi laea taem hemi mekem strongfala promis. An bae trabol ya hemi spoelem evri timba an ston long olketa haos ya, go-go olketa kamap nogud tumas.??