Provebs 13:8 - Pijin Bible

⁸ Maet samwan hemi fosim risman fo peim laef blong hem seleva, bat puaman no garem kaen trabol olsem.

Pijin Deuterocanon

⁸ Maet samwan hemi fosim risman fo peim laef blong hem seleva, bat puaman no garem kaen trabol olsem.

Provebs 13:8 Iomraidhean Croise

2 Kings 24:14

An hemi fosim evriwan fo lusim Jerusalem. Olketa fosim aot olketa bikman an olketa komanda, an olketa wakaman hu i save duim waka long aean an long timba. Olketa evriwan i kasem olsem 10,000 pipol. Hemi lusim nomoa olketa pua pipol, olketa nao stap long lan blong Jiuda.

2 Kings 25:12

Bat samfala long olketa pua pipol, Nebusaradan hemi letem olketa stap long Jiuda fo waka long olketa gaden an long olketa plantesin blong grep.

Stori abaotem Job 2:4

Bat Seitan hemi tok olsem, “Skin sensim skin. Man save lusim evrisamting blong hem fo mekem hem seleva i laef.

Eksodas 21:30

Bat sapos olketa letem ona blong disfala man buluka fo peimaot laef blong hem fo hemi no dae, bae ona ya mas peim ful praes wea olketa putum fo hem.

Provebs 13:7

Samfala talem dat olketa ris, bat olketa nating garem enisamting. Samfala talem dat olketa pua, bat olketa garem plande samting.

Provebs 13:9

Laet blong stret man hemi saen fogud, laet blong ravis man bae hemi dae nomoa.

Provebs 14:24

Yu waes an bae yu save ris, yu krangge an bae yu save krangge moa.

Provebs 6:35

Bae hemi les long kompensesin, nomata hemi bik fogud, hemi no save finisim kros blong hem.

Jeremaea 39:10

Bat samfala long olketa pua pipol, wea i no onam enisamting, Nebusaradan hemi letem olketa stap long Jiuda, an hemi givim graon long olketa, an hemi givim tu olketa plantesin blong grep long olketa.

Jeremaea 41:8

Nao tenfala long olketa ya i tok olsem long Ismael, “!Plis yu no kilim mifala dae! Mifala garem samfala wit, an bali, an oliv oel, an hani wea mifala haedem aotsaet long wanfala gaden.” So hemi no kilim olketa nao, bat hemi letem olketa fo go fri.

Sefenaea 3:12

Bat yufala wea i mekem tingting blong yufala lou, bae mi letem yufala nomoa fo stap long Jerusalem, an bae yufala save trastem nem blong mi, Yawe.

Matiu 16:26

?Nomata sapos eniwan hemi winim evrisamting long disfala wol, bat sapos hemi lusim tru laef blong hem from diswan ya, waswe, bae olketa samting ya save helpem hem? Nomoa ya. ?An wanem nao bae hemi givim, mekem hemi save tekembaek moa laef blong hem?

Gudnius abaotem Jisas Kraes wea Luk hemi raetem 12:23

Bikos laef nao hemi bikfala samting moa winim kaikai, an bodi nao hemi bikfala samting moa winim kaleko yu werem.