Provebs 13:22 - Pijin Bible

²² Gudfala man save givim plande gud samting fo olketa grani blong hem. Bat olketa samting blong nogud man i go long olketa stretfala pipol.

Pijin Deuterocanon

²² Gudfala man save givim plande gud samting fo olketa grani blong hem. Bat olketa samting blong nogud man i go long olketa stretfala pipol.

Provebs 13:22 Iomraidhean Croise

Esra 9:12

From samting ya nao, bae yufala mas no letem olketa dota blong yufala fo maritim olketa san blong olketa, an yufala mas no tekem olketa dota blong olketa fo marit kam long olketa san blong yufala. Bae yufala mas no helpem olketa pipol ya fo kamap strong, an fo stap gudfala. Sapos yufala obeim olketa toktok ya, bae yufala save kamap strong, an yufala save kaikaim olketa gudfala kaikai blong lan ya, an yufala save givim lan ya go long olketa wea bae i bon kam bihaen long yufala, mekem disfala lan hemi blong olketa fo evritaem olowe nao.’

Sams 102:28

Bae yu lukaftarem gudfala olketa pikinini blong mifala. An olketa wea bae i bon kam long laen blong olketa, bae yu lukaftarem olketa tu. (Singsing blong Deved.)

Sams 112:2

Bae olketa pikinini blong hem i garem staka gudfala samting long lan wea Yawe hemi bin givim long olketa. An bae Yawe hemi blesim olketa wea i bon kam long laen blong hem.

Sams 128:6

Hemi gud tumas sapos yufala laef go-go yufala lukim olketa smolfala grani blong yufala. Hemi gud tumas sapos yumi pipol long Israel i garem gudfala laef. (Olketa singim disfala singsing taem olketa goap fo fist long Jerusalem.)

Sams 37:25

Distaem mi olo fogud nao, bat mi nating lukim yet eni gudfala man wea Yawe hemi lusim hem, an mi nating lukim yet wea olketa pikinini blong hem i go olobaot an krae fo kaikai.

Provebs 17:6

Olketa smol grani i mekem grandadi blong olketa fo garem biknem, an pikinini tu garem biknem from dadi blong hem.

Provebs 28:8

Yu kamap ris from ravis wei wea yu mekem olketa peim bikfala intres long kaon, bae yu lusim seleni go long nara man hu save givim go long pua pipol

Eklesiastes 2:26

Oltaem God hemi givim waes an save long olketa hu i obeim hem, an hemi mekem olketa i hapi tu. Bat God hemi mekem olketa nogud pipol wakahad tumas fo kasem olketa gudfala samting, an hipimap fo givim go long olketa ya hu i mekem God hapi. Hem tu hemi no fitim tingting blong yumi. Hemi olsem wea olketa aftarem nomoa win.