Provebs 13:15 - Pijin Bible

¹⁵ Man garem gudfala save, pipol tinghae long hem. Bat man no garem save, hemi garem hadtaem.

Pijin Deuterocanon

¹⁵ Man garem gudfala save, pipol tinghae long hem. Bat man no garem save, hemi garem hadtaem.

Provebs 13:15 Iomraidhean Croise

Sams 111:10

Eniwan hu hemi laek fo kamap waes hemi mas tinghevi long Yawe. Ya, hemi givim gudfala tingting long olketa hu i obeim olketa gudfala toktok blong hem. Yumi mas preisim hem olowe.

Provebs 14:35

Olketa bikman i hapi long eni wakaman hu hemi waes, bat bae hemi panisim olketa hu i mekem hem sem.

Provebs 15:10

Man no falom stretfala wei, bae olketa panisim hem nogud. Man hemi les fo eniwan i stretem hem, bae hemi dae.

Provebs 3:4

Sapos yu duim olsem, bae God hemi hapi long yu, an pipol tu bae hapi long yu.

Provebs 4:19

Bat wei blong ravis pipol hemi olsem tudak, olketa nating save nomoa wanem i mekem olketa foldaon.

Jeremaea 2:19

Yufala bin lusim mi, so bae mi letem yufala fo stap farawe from mi. Bae mi letem yufala gohed fo stap long olketa ravis wei blong yufala. Hem nao hemi panis blong yufala. From samting ya nao, bae yufala luksave dat disfala wei wea yufala i lusim mi an no tinghae long mi, hemi barava ravis wei nao, an from samting ya bae yufala mas safa.” Hem nao mesij blong Lod Yawe hu hemi garem evri paoa.

Gudnius abaotem Jisas Kraes wea Luk hemi raetem 2:52

An Jisas hemi gohed fo grouap moa, an hemi gohed fo kamap waes fogud tu. An God hemi barava hapi tumas wetem hem, an olketa pipol i hapi tumas long hem tu.

Aposol 7:10

an hemi sevem hem from olketa trabol blong hem. God hemi mekem hem fo waes tumas an hemi mekem King long Ijip fo laekem hem. An King ya hemi mekem Josef fo kamap nambawan bikman blong hem, fo hemi lukaftarem kantri blong hem wetem olketa bikfala haos blong hem tu.

Leta wea Pol hemi raetem go long sios long Rom 6:21

An yufala nating tekem eni gudfala samting nomoa from olketa sin wea yufala bin mekem. An distaem, yufala filsem nao long olketa samting ya. Olketa kaen wei ya, hemi mekem pipol fo dae nomoa.