Provebs 12:11 - Pijin Bible

¹¹ Man hemi waka had hemi garem plande kaikai, man hemi westem taem no garem gud tingting.

Pijin Deuterocanon

¹¹ Man hemi waka had hemi garem plande kaikai, man hemi westem taem no garem gud tingting.

Provebs 12:11 Iomraidhean Croise

Jenesis 3:19

Bae yu gohed fo waka had tumas, an yu gohed fo suet, fo mekem graon ya hemi garem kaikai, go-go kasem taem wea bodi blong yu bae hemi gobaek moa long graon ya wea mi bin wakem yu long hem. Mi bin wakem yu long graon ya, an bae yu gobaek moa long hem.”

Sams 128:2

Sapos yu gohed fo duim olsem, bae waka blong yu hemi save helpem yu, an bae yu garem gudfala laef an yu hapi olowe.

Sams 26:4

Mi nating laek fo joenem olketa nogud pipol. An mi nating laek fo fren wetem olketa hu i save laea tumas.

Provebs 13:20

Fren wetem waes man, bae yu waes. Fren wetem krangge man, bae yu safa.

Provebs 13:23

Maet puaman hemi garem plande kaikai long gaden, bat ravis wei i ravem hem.

Provebs 14:23

Wakahad an bae yu garem gud samting, tok nating an bae yu garem nating.

Provebs 14:4

Man no garem buluka, hemi no garem kaikai, bat man garem strongfala buluka, bae hemi garem gudfala gaden.

Provebs 20:13

Yu laek fo slip, bae yu pua. Wekap an waka, bae yu garem plande kaikai.

Provebs 27:27

An bae olketa nanigot save givim plande milk fitim famili blong yu an wakamere blong yu tu.

Provebs 28:19

Man waka long gaden, bae garem plande kaikai. Bat man waka long drim, bae garem plande trabol.

Provebs 6:32

Bat man hu hemi durong wetem waef blong nara man, hemi nating garem stretfala tingting, an hemi spoelem hem seleva.

Provebs 7:7

Mi lukim plande yangman wakabaot nomoa. Den mi luksave dat wanfala long olketa hemi no garem gudfala save yet.

Provebs 9:13

Krangge hemi olsem woman hu hemi mekem tumas noes, hemi nating save sem, an hemi nating garem save.

Provebs 9:16

Hemi kol go long olketa olsem, “Yufala hu i no garem save, yufala kam long haos blong mi.” An hemi tok olsem long olketa hu i no garem gudfala tingting,

Provebs 9:6

Lusim krangge wei blong yufala an falom wei blong mi, bae yufala garem laef.”

Jona 2:8

Evriwan hu i holetaet long olketa laea god, olketa ya i nating tinghevi long yu.

Efesas 4:28

Man hu i save stil olowe, hemi mas finis from diskaen wei an stat fo waka gudfala. Hemi mas duim olketa gudfala samting long han blong hem, mekem hemi save helpem olketa hu i pua.

2 Tesalonaeka 3:8

An mifala no bin tekem nating eni kaikai long olketa pipol. Mifala seleva nao peim evrisamting. Olowe nomoa, nomata long de o naet, mifala gohed fo wakahad tumas, bikos mifala no laekem eniwan long yufala fo karihevi long mifala.

Jajis 9:4

Nao olketa tekem seventi silva seleni long tambu haos blong disfala god Baal-Berit an givim go silva ya long Abimelek. Nao hemi tekem seleni ya, an hemi peim go long samfala ravis man fo mekem olketa kam joenem hem.