Provebs 11:19 - Pijin Bible

¹⁹ Barava stretfala wei, hemi givim yu laef, ravis wei, hemi kilim yu dae.

Pijin Deuterocanon

¹⁹ Barava stretfala wei, hemi givim yu laef, ravis wei, hemi kilim yu dae.

Provebs 11:19 Iomraidhean Croise

2 Kings 1:16

Go-go hemi sei long king, “Yawe nao hemi tok olsem, ‘!Baal-Sebub hemi god blong pipol blong Ekron! ?Waswe nao yu sendem samfala man fo go faendemaot samfala samting long hem? ?Yu tingse no eni God long Israel? Bikos yu duim samting ya, bae yu no save goaot from bed blong yu, an bae yu dae.’”

2 Kings 1:4

From samting ya nao, Yawe hemi tok olsem long king, ‘Bikos yu duim samting ya, bae yu no save goaot from bed blong yu, an bae yu dae.’ ” An Elaeja hemi go duim wanem Yawe hemi talem hem.

Provebs 10:16

Gud man garem gud laef, ravis man garem panis.

Provebs 11:4

Taem Yawe jajem man, seleni hemi yusles, stretfala wei save sevem laef.

Provebs 12:28

Stretfala wei hemi rod fo laef, falom gudfala rod ya fo laef olowe.

Provebs 19:23

Tinghae long Yawe, bae yu laef, an bae yu stap kuaet bikos no enisamting save spoelem yu.

Provebs 21:16

Man lusim rod fo kasem save, bae hem kasem ples blong man i dae.

Provebs 21:21

Man falom wei fo lav an wei fo kaen, hemi kasem gudfala laef an biknem.

Provebs 8:36

Bat man hu hemi no faendem mi, hemi spoelem hem seleva nomoa. An eniwan hu hemi heitem mi, hemi laekem tumas fo dae.”

Aposol 10:35

Sapos eniwan hemi tinghae long God an hemi duim wanem hemi stret, bae God hemi hapi wetem hem ya, nomata watkaen kantri long wol nao hemi kam long hem.

Leta wea Pol hemi raetem go long sios long Rom 6:23

Bikos taem eniwan hemi stap long wei blong sin, wejis blong hem nao dae. Bat from yumi joen wetem Jisas Kraes Masta blong yumi, God hemi givim fri nao disfala presen long yumi, wea yumi save garem laef wea hemi no save finis.

Diutronomi 16:20

Oltaem, wei wea yufala gohed fo mekem long olketa man hemi mas stret gud. Sapos yufala duim olsem, bae yufala save onam gud disfala lan wea Yawe hemi givim long yufala, an bae yufala save stap longtaem long hem.

Jemes 1:15

An sapos disfala nogud tingting hemi gohed nomoa, hemi save mekem man fo duim olketa ravis samting. An sapos hemi gohed fo duim nomoa olketa ravis samting, bae olketa save kilim hem dae.

1 Jon 3:10

So wei blong man nao bae hemi somaot sapos hemi pikinini blong God o hemi pikinini blong Seitan. Bikos eniwan hu hemi no duim wanem hemi stret an hemi no lavem narafala Kristin, hemi no pikinini blong God nao.

1 Jon 3:7

Olketa pikinini blong mi, yufala mas no letem eniwan fo laea long yufala abaotem diswan. Eniwan hu hemi gohed fo duim wanem hemi stret, hemi stretfala man nao long ae blong God, olsem Kraes tu hemi stret long ae blong God.