Provebs 11:18 - Pijin Bible

¹⁸ Duim wanem hemi rong, bae yu tekem ravis pei, duim wanem hemi stret, olketa bae givim gud samting long yu,

Pijin Deuterocanon

¹⁸ Duim wanem hemi rong, bae yu tekem ravis pei, duim wanem hemi stret, olketa bae givim gud samting long yu,

Provebs 11:18 Iomraidhean Croise

Eksodas 1:20

Bikos tufala ya i gohed fo tinghae olsem long God, God hemi gud long tufala, an hemi mekem wea tufala garem olketa pikinini blong tufala. An olketa long laen blong Israel i gohed fo kamap plande moa, an olketa gohed fo kamap strong moa.

Provebs 1:18

pipol olsem i mekem trap fo olketa seleva, olketa seleva nomoa bae dae long hem.

Provebs 10:16

Gud man garem gud laef, ravis man garem panis.

Provebs 22:8

Man plantem ravis samting, bae digim trabol. Ravis wei blong hem, bae hemi kamap samting nating.

Provebs 5:22

Ravis wei blong ravis man bae trapem hem, hemi olsem rop wea i taengem hem.

Eklesiastes 10:8

Man wea hemi digim hol fo mekem trap, bae hemi save foldaon insaet. An man wea hemi brekem wol blong haos, poesen snek wea hemi stap insaet long wol ya, bae hemi save baetem hem.

Hosia 10:2

Tingting blong olketa hemi fulap long evri wei fo laea, hem nao bae olketa mas safa fo olketa sin blong olketa. No longtaem, bae God hemi brekemdaon evri olta blong olketa, an spoelem evri tambu pos blong olketa.

Gudnius abaotem Jisas Kraes wea Jon hemi raetem 4:36

An man hu hemi go-gohed fo tekem frut, bae hemi tekem pei blong hem ya. An frut ya nao, hemi olketa pipol hu bae olketa kasem tru laef wea hemi no save finis. So man hu hemi plantem kaikai, an man hu hemi tekem frut blong hem, tufala save stap hapi tugeta nao.

Efesas 4:22

Olketa tisim yufala fo lusim disfala olfala ravis wei wea yufala bin falom long laef blong yufala. Olfala wei ya hemi lidim yufala fo duim enikaen ravis samting, an diswan hemi save spoelem yufala.

Jemes 3:18

An olketa hu i stretem raoa long wei blong piis, olketa nao i stretfala pipol.