Provebs 11:13 - Pijin Bible

¹³ Yu no trastem man hu hemi stori olobaot, man hemi stap kuaet yu save trastem.

Pijin Deuterocanon

¹³ Yu no trastem man hu hemi stori olobaot, man hemi stap kuaet yu save trastem.

Provebs 11:13 Iomraidhean Croise

Provebs 10:19

Tok tumas, bae yu toknogud, no tok tumas, bae yu waes.

Provebs 11:12

Krangge man, tokspoelem pipol, man hemi garem save, hemi stap kuaet.

Provebs 12:23

Man wea hemi garem gud tingting, hemi no tok enikaen. Krangge man, tok enikaen tumas.

Provebs 14:5

Gudfala witnes, hemi no save laea, ravis witnes, hemi save laea nomoa.

Provebs 19:11

Yu waes, bae yu no save kros kuiktaem. Yu no wari long rong agensim yu, bae pipol tinghae long yu.

Provebs 20:19

Man fo toktok tumas, hemi spoelem nara man. No go kolsap long kaen man olsem.

Provebs 25:9

Sapos yu raoa wetem wantok, yu no tokabaotem samting wetem nara man.

Jeremaea 38:27

Bihaen, olketa bikman ya i kam long Jeremaea an askem hem, an hemi talemaot toktok ya barava olsem wea king hemi talem long hem. So olketa no askem enisamting moa, bikos olketa no herem olketa toktok blong tufala.

Levitikas 19:16

An yufala mas no tokspoelem o laea abaotem eniwan. An taem eni wantok hemi go long kot, yufala mas no duim enisamting wea hemi save mekem olketa kilim dae disfala wantok fo panisim hem. Yufala mas no duim olketa samting ya, bikos mi nao Yawe.

1 Timoti 5:13

An olketa tu, olketa save stat fo falom wei fo stap nating nomoa an fo go-goraon long evri haos tumas. An bae diskaen samting hemi save kamap wos moa, wea olketa save stori nogud tumas abaotem olketa nara pipol, an olketa save olobaot tumas, an olketa save toktok abaotem olketa samting wea i no bisnis blong olketa.

Josua 2:14

Nao tufala man ya i tok olsem long hem, “Letem Yawe hemi kilim mitufala dae, sapos mitufala no kipim promis ya. An, sapos yu no talemaot long eniwan abaotem olketa samting wea mitufala duim, bae mifala no duim eni nogud samting long yufala. An taem Yawe hemi givim lan ya long mifala, bae mifala kaen long yu wetem evriwan long famili blong yu.”

Josua 2:20

Bat nomata olsem, sapos yu talemaot olketa samting wea mitufala bin duim long hia, bae mifala no save kipim promis ya.”