Provebs 1:6 - Pijin Bible

⁶ fo save long mining blong olketa waes toktok an save givim ansa long kuestin blong waesman.

Pijin Deuterocanon

⁶ fo save long mining blong olketa waes toktok an save givim ansa long kuestin blong waesman.

Provebs 1:6 Iomraidhean Croise

Sams 49:4

Bae mi tingting gudfala long olketa waes toktok wea olketa olo i bin talem, an taem mi ringim gita bae mi talemaot mining blong olketa waes toktok ya.

Sams 78:2

Bae mi yusim olketa tokpiksa taem mi toktok wetem yufala, an bae mi talemaot olketa samting blong bifoa kam yet wea no eniwan bin save.

Provebs 24:23

Hem nao olketa waes toktok tu. Jaj hemi mas no saet wetem eni man long kot.

Eklesiastes 12:11

Olketa toktok blong olketa waes man i olsem stik wea man fo lukaftarem sipsip hemi yusim long olketa sipsip blong hem. Ya, olketa waes toktok i olsem nila wea hemi stap strong insaet long stik ya. God hu hemi givim olketa waes toktok ya, hemi lukaftarem yumi gudfala tumas olsem yumi olketa sipsip blong hem.

Daniel 8:23

“Taem fofala king ya i kolsap kasem en long taem blong olketa fo rul, bae olketa kamap barava nogud tumas. Wanfala king bae hemi kamap wea hemi barava bikhed fogud, an hemi nating sore long eniwan, an hemi save tumas hao fo trikim pipol long nogud wei.

Nambas 12:8

Dastawe nao mi kam stret long ae blong hem, an taem mi toktok wetem hem, mi no yusim olketa toktok wea hemi had fo minim. Mi toktok wetem hem long olketa barava klia toktok nomoa. Hemi lukim mi finis wetem ae blong hem. ?Waswe nao yutufala nating fraet fo tok agensim disfala spesol wakaman blong mi?”

Gudnius abaotem Jisas Kraes wea Mak hemi raetem 4:11

Nao Jisas hemi talem olketa olsem, “God hemi bin givim yufala save finis fo luksave long olketa samting wea hemi staphaed insaet long kingdom blong God. Bat olketa nara pipol olketa mas herem olketa samting ya long tokpiksa nomoa.

Gudnius abaotem Jisas Kraes wea Mak hemi raetem 4:34

Hemi nating talem enisamting long olketa pipol ya wea hemi no save yusim tokpiksa long hem. Bat taem hemi stap seleva wetem olketa disaepol blong hem nomoa, hemi jes talemaot gud nao olketa mining blong olketa samting ya.

Hibrus 5:14

Bat eniwan hu i kaikaim strongfala kaikai, hemi bikman finis. Man olsem ya, hemi save finis hao fo luksave long wanem hemi gudfala an wanem hemi ravis.

2 Pita 3:16

Long evri leta blong hem nao, hemi raetem semsamting taem hemi tokabaotem olketa samting ya. Olketa leta blong Pol i garem samfala toktok wea i had fo minim gud. An samfala pipol hu i no garem gudfala save an tingting blong olketa hemi no stret, olketa gohed nao fo sensim mining blong olketa toktok blong Pol. An olketa duim semsamting tu long olketa nara toktok wea hemi stap long Buktambu. Bat long disfala wei, bae olketa barava mekem bikfala trabol kasem olketa seleva nao.