Provebs 1:25 - Pijin Bible

²⁵ Yufala les long evri advaes blong mi, an no wiling fo mi stretem yufala.

Pijin Deuterocanon

²⁵ Yufala les long evri advaes blong mi, an no wiling fo mi stretem yufala.

Provebs 1:25 Iomraidhean Croise

2 Kronikols 33:10

Oraet, Yawe hemi toktok long King Manase an long olketa pipol blong hem fo wonem olketa, bat olketa no lisin long hem.

2 Kronikols 36:16

Bat olketa gohed fo mekfan long olketa profet ya, an olketa les long toktok blong olketa. Olketa gohed fo tokspoelem olketa, go-go Yawe hemi kros fogud long olketa, mekem no eni wei fo sevem olketa hemi stap.

Sams 107:11

Diswan hemi hapen bikos olketa ya i barava agensim olketa lo blong God hu hemi hae tumas, an olketa les tu long olketa strongfala toktok blong hem.

Sams 81:11

“Olketa pipol blong Israel i blong mi ya, bat olketa nating lisin long mi, an i no obeim mi nao.

Provebs 1:30

Taem mi wande stretem yufala, yufala les long advaes blong mi.

Provebs 12:1

Yu laekem man fo stretem yu, yu nao laekem save. Yu les long man fo stretem yu, yu nao krangge.

Provebs 15:10

Man no falom stretfala wei, bae olketa panisim hem nogud. Man hemi les fo eniwan i stretem hem, bae hemi dae.

Provebs 5:12

Nogud bae yu tok olsem, “Mi bin les fo falom stretfala wei, an les long man fo stretem mi.

Provebs 8:14

Oltaem mi save mekem gudfala plan an givim gudfala tingting. Mi save minim evri had samting, an mi garem paoa.

Jeremaea 35:17

“Dastawe nao mi Yawe God hu mi garem evri paoa, an hu mi God blong Israel, mi tok long yufala olsem: !Lisin kam! Mi bin talemaot long yufala dat bae mi mekem bikfala trabol fo kam kasem yufala sapos yufala les fo obeim mi. Bat taem mi toktok long yufala, yufala les fo lisin, an taem mi kolem yufala, yufala les fo ansarem mi. From samting ya, bae mi mekem trabol fo kam kasem yufala long Jerusalem an Jiuda.”

Gudnius abaotem Jisas Kraes wea Luk hemi raetem 7:30

Bat olketa Farasi an olketa tisa blong Lo, olketa no wiling fo duim wanem God hemi laekem. An olketa nating letem Jon fo hemi baptaesim olketa.

Diutronomi 1:45

An from samting ya, olketa krae go long Yawe mekem hemi helpem olketa. Bat hemi nating lisin long olketa, an hemi no herem olketa.”

1 Samuel 8:18

Taem olketa samting ya i kamap, bae yufala komplen long olketa wei blong king wea yufala laekem, bat Yawe bae hemi no save ansarem prea blong yufala.”