Provebs 1:1 - Pijin Bible

¹ Olketa waes toktok blong King Solomon long Israel, hu hemi san blong King Deved, hem nao i stap insaet long disfala buk.

Pijin Deuterocanon

¹ Olketa waes toktok blong King Solomon long Israel, hu hemi san blong King Deved, hem nao i stap insaet long disfala buk.

Provebs 1:1 Iomraidhean Croise

1 Kings 2:12

Nao Solomon hemi kamap king an sensim dadi blong hem, Deved. An paoa blong hem fo rul olsem king hemi strong tumas.

1 Kings 5:12

Yawe hemi mekem King Solomon fo barava waes fogud olsem wea hemi bin promisim hem. An King Haeram an King Solomon, tufala frengud, an tufala mekem agrimen fo stap tugeta gudfala.

1 Kronikols 22:9

Bat bae yu garem wanfala san. An disfala san bae hemi save stap kuaet an garem piis. An bae mi no letem eni enemi blong hem fo spoelem Israel. An evriwan long Israel bae garem gudfala laef an save stap kuaet tu. So nem blong hem bae hemi Solomon.

1 Kronikols 28:5

Hemi mekem mi fo garem plande san, an hemi siusim san blong mi Solomon fo rul ovarem Israel wea hemi kingdom blong Yawe.

1 Kronikols 29:23

So Solomon hemi sensim dadi blong hem an kamap king long Israel. Olketa bikman blong Deved, an olketa barava nambawan soldia, an olketa narafala san blong King Deved, olketa evriwan i promis fo obeim King Solomon olowe. Hemi wanfala barava gudfala king an evriwan blong Israel i obeim hem.

1 Kronikols 29:28

Hemi dae long taem wea hemi barava olo fogud. Hemi wanfala king wea hemi ris, an evriwan i tinghae long hem. Nao san blong hem Solomon, hemi sensim hem fo kamap king.

Provebs 10:1

Hem nao olketa waes toktok blong Solomon. Dadi blong waesman, hapi olowe, mami blong bikhed man, sore an krae.

Provebs 22:21

Olketa save tisim yu tru toktok an mekem yu fit fo talem olketa gudfala ansa long olketa hu i askem enisamting long yu.

Provebs 25:1

Hem nao samfala narafala waes toktok blong King Solomon. Olketa wakaman blong King Hesekaea long Jiuda i raetemdaon.

Eklesiastes 1:1

Olketa toktok insaet long disfala buk, hemi blong Waes Tisa hu hemi san blong King Deved, an hemi king long Jerusalem.

Eklesiastes 12:9

Disfala Waes Tisa hemi gohed fo tisim olketa pipol long olketa samting wea hemi save. Hemi save gud long olketa waes toktok, an hemi gohed fo traem wea olketa i tru o nomoa.

Gudnius abaotem Jisas Kraes wea Jon hemi raetem 16:25

Jisas hemi sei moa, “Olketa samting wea mi talem long yufala ya, mi talem long olketa tokpiksa ya. Bat bae hemi kasem taem wea bae mi no yusim olketa tokpiksa moa, bat bae mi toktok stret nomoa abaotem Dadi ya long yufala.