Obadaea 1:18 - Pijin Bible

¹⁸ Olketa laen blong Jekob, bae i olsem faea. Olketa laen blong Iso, bae i olsem drae gras. Olsem wea gras ya hemi bon finis long faea, no eniwan long laen ya bae hemi laef.” Yawe nao hemi tok.

Pijin Deuterocanon

¹⁸ Olketa laen blong Jekob, bae i olsem faea. Olketa laen blong Iso, bae i olsem drae gras. Olsem wea gras ya hemi bon finis long faea, no eniwan long laen ya bae hemi laef.” Yawe nao hemi tok.

Obadaea 1:18 Iomraidhean Croise

2 Samuel 19:20

Mi save dat mi bin duim wanfala samting nogud, dastawe nao mi fas man long olketa traeb wea i kamaot long Josef fo kam mitim yu tude.”

Eksodas 5:12

So olketa go fo lukaotem drae gras long evri ples long Ijip.

Aesaea 10:17

Holi God nao hemi Laet blong Israel, an bae disfala Laet hemi kam olsem faea fo panisim olketa long Asiria. An long wanfala de nomoa bae hemi spoelem evrisamting blong king ya olsem faea wea hemi bonem olketa drae gras an nila gras.

Aesaea 31:9

Bae King blong Asiria wetem olketa sif long ami blong hem i fraet fogud an ranawe from faet ya, bikos olketa lukim nao flag blong Yawe antap long Jerusalem. Ya, antap long maonten long Saeon, hem nomoa ples fo bonem sakrifaes fo wosipim Yawe. Hem nao mesij blong Yawe.

Aesaea 47:14

Bae olketa waes man blong yu ya, i olsem nomoa gras wea hemi drae, an faea hemi bonem finis nao. !Bae olketa no save sevem olketa seleva! Faea ya hemi no fo hotem olketa nomoa long taem blong tukol, bat bae hemi barava bonem olketa finis.

Aesaea 5:24

Dastawe nao bae Yawe hemi panisim yufala olsem wea faea hemi bonem drae gras. Ya, bae hemi spoelem yufala fogud olsem gras wea olketa rut blong hem hemi roten an flaoa blong hem hemi drae an win hemi bloum go. Hemi duim diswan bikos yufala les tumas fo herem olketa tising blong Holi God blong yumi long Israel hu hemi garem evri paoa.

Aesaea 9:18

Ravis wei blong olketa hemi olsem faea wea hemi bonem olketa smolfala nilagras go-go kasem olketa bikfala tri long bus tu. An smok blong faea ya hemi goap long skae olsem bikfala klaod blong ren.

Aesaea 9:19

Kros blong Yawe hu hemi garem evri paoa hemi olsem bikfala faea tu, an bae Yawe hemi spoelem lan an olketa pipol hu i stap long hem olsem wea faea hemi bonem faeawud. An bae no eniwan hemi trae fo helpem olketa wantok blong hem.

Jeremaea 11:23

Mi makem taem finis, wea bae mi mekem trabol ya fo kasem olketa ya long Anatot, an long taem ya, bae no eniwan long olketa i laef.”

Esikiel 37:16

“Man blong graon. Yu tekem wanfala stik an raetem disfala toktok olsem, ‘Kingdom blong Jiuda’, nao tekem narawan an raetem toktok olsem, ‘Kingdom blong Israel’.

Esikiel 37:19

yu talem olketa olsem, ‘Lod Yawe nao hemi tok olsem: Bae mi tekem disfala stik wea nem blong Israel hemi stap long hem, an putum wetem narafala stik wea nem blong Jiuda hemi stap long hem, an joenem tufala fo mekem wanfala stik nomoa long han blong mi.’

Joel 2:5

Taem olketa grashopa ya i gohed fo jam olobaot fo kaikai antap long olketa maonten, olketa mekem noes olsem noes blong kaat fo faet taem hemi go kuiktaem. Ya, olketa mekem noes olsem noes blong faea wea hemi gohed fo bonem drae gras. Olketa laenap olsem wanfala bikfala ami wea hemi redi fo faet.

Emos 1:8

Bae mi kilim dae evriwan, stat long olketa pipol go-go kasem king, an evriwan, stat long taon long Asdod go-go kasem taon long Askelon. An bae mi panisim olketa pipol blong taon long Ekron, an bae mi kilim dae evri pipol blong Filistia hu i stap yet.? Hem nao toktok blong Yawe.

Emos 5:15

!Yufala mas lusim olketa ravis wei an falom nomoa olketa wei wea hemi stret! An taem yufala mekem kot yufala mas mekem nomoa long stretfala wei. Sapos yufala duim olsem, maet Yawe bae hemi sore long yufala blong Israel hu i laef yet an maet hemi no panisim yufala.

Emos 6:6

Yufala gohed fo dringim tumas waen, an gohed fo rabem bodi blong yufala long nambawan oel wea hemi barava smel naes fogud. Bat yufala nating sore nomoa long kantri ya blong yufala long Israel, wea olketa enemi bae i kam an barava spoelem finis.

Obadaea 1:16

Taem olketa enemi ya i spoelem Tambuhaos blong mi, yufala bin kamap long tambu maonten blong mi fo dring an selebret. Bat yufala wetem evri enemi blong mi, bae yufala evriwan mas dringim finis disfala ful kap waen wea hemi olsem ful paoa long kros blong mi go-go mi barava spoelem finis yufala evriwan.

Maeka 5:8

Bae olketa blong Israel hu i laef yet an stap long midol long olketa pipol ya i olsem laeon tu, wea hemi lukaotem animol long bus o sipsip long open ples fo kaikaim. Taem hemi faendem olketa sipsip, hemi jam wantaem go long olketa an hemi pisisim olketa, an no eniwan save sevem olketa.

Neiham 1:10

Bae hemi olsem wea ropnila hemi taengem hem, o hemi barava drang fogud an no save stanap. Bae Yawe hemi spoelem hem fogud, olsem wea faea hemi bonem drae gras.

Sekaraea 12:6

?Long datfala de, olketa lida blong Jiuda bae i olsem aean baket wea hemi fulap long faea an hemi stap insaet long hip faeawud, o olsem stik faea wea hemi laet an hemi bonem olketa gras wea hemi drae fogud. Bae olketa spoelem nogud evri kantri long evri saet. Bat Jerusalem bae hemi stap gudfala nomoa long ples blong hem.

Malakae 4:1

Yawe hemi tok olsem, ?De blong mi fo jaj bae hemi kam, an bae hemi olsem bikfala faea. Evri praod pipol an evri pipol hu i duim olketa ravis samting, bae i olsem drae gras, an long datfala de bae olketa barava bone. Bae no eniwan long olketa hemi stap bikos nomata olketa rut blong gras, faea hemi bonem tu.

1 Korin 3:12

An taem olketa pipol i bildim disfala haos ya, bae olketa yusim olketa gudfala samting olsem gol an silva an olketa naesfala ston o maet olketa yusim olketa samting olsem stik an gras an lif nomoa.