Neiham 3:6 - Pijin Bible

⁶ Mi nao bae mi meksem long yufala, olsem wea mi torowem ravis antap long yufala. Bae mi lukdaonem yufala, mekem evri pipol i luksave wea yufala barava nogud tumas.

Pijin Deuterocanon

⁶ Mi nao bae mi meksem long yufala, olsem wea mi torowem ravis antap long yufala. Bae mi lukdaonem yufala, mekem evri pipol i luksave wea yufala barava nogud tumas.

Neiham 3:6 Iomraidhean Croise

Stori abaotem Job 30:19

Disfala pein hemi torowem mi godaon nao insaet long mad. An mi samting nating olsem asis nao.

Stori abaotem Job 30:8

Olketa olo ya i krangge an nating garem gudfala nem. Dastawe, pipol i bin wipim olketa ya fo raosim olketa from disfala lan.

Stori abaotem Job 9:31

Nomata mi trae fo waswas olsem, ating bae yu torowem mi godaon nomoa long hol wea hemi fulap long mad wea i smel nogud. Den, nomata olketa kaleko blong mi, bat olketa barava les long mi nao.

Jeremaea 51:37

Bae mi spoelem taon long Babilon finis, mekem hemi kamap hip blong olketa ston nomoa, wea hemi ples blong olketa wael dog, an no eniwan save stap moa long hem. An olketa hu i gopas long hem, bae i seke fogud an toknogud long hem.

Lamentesin 3:16

Hemi pusum mi godaon long dast, an step long mi, wea fes blong mi hemi bangam graon, an olketa tit blong mi i brek long ston.

Esikiel 16:37

From disfala samting nao, bae mi tekem kam olketa man ya wea yu bin slip wetem olketa. Ya, bae mi tekem olketa wea yu lavem an olketa wea yu les long olketa fo hipap kam. An bae mi aotem olketa kaleko blong yu taem olketa stanap raonem yu, mekem olketa save lukim yu taem yu neket.

Neiham 1:14

Yawe nao hemi tok olsem agensim olketa pipol blong Nineve, “Bae yufala no garem pikinini fo kipim nem blong yufala. Olketa kaving wea i stap long olketa tambuhaos blong yufala ya, bae mi spoelem evriwan. Bae mi digim grev fo yufala, bikos hemi no fitim nao fo yufala laef.”

Habakuk 2:16

!Bat bae Yawe hemi fosim yufala fo dringim finis disfala ful kap waen wea hemi olsem ful paoa long kros blong hem! Bae hemi olsem wea yufala tu i kamap drang an barava filsem, bikos evriwan nomoa save lukluk long neket bodi blong yufala. Bae pipol no mekhae long yufala olsem wea yufala laekem. Bat bae olketa barava lukdaonem yufala olsem ravis wea man hemi toraotem.

Sefenaea 2:15

Olketa samting ya nao bae kasem taon wea olketa pipol i praod tumas long paoa blong olketa seleva, an tingse olketa stap sef nomoa. Olketa pipol i tingse taon blong olketa hemi nambawan winim eni narafala taon long disfala wol. Bat wea, taon ya bae hemi bagarap finis, an bae hemi kamap ples fo olketa wael animol i slip long hem. Olketa pipol wea i go pas long taon ya, bae olketa sek fogud an toknogud long hem.?

Malakae 2:2

Sapos yufala no obeim mi o tinghevi fo mekhae long nem blong mi, bae mi mekem trabol fo kasem yufala an fo kasem gudfala laef wea yufala prist i garem. Ya, mi duim finis long yufala, bikos yufala nating tinghevi fo mekhae long nem blong mi.

Malakae 2:3

An from disfala samting nao, bae mi finisim laen blong yufala, an bae mi rabem fes blong yufala wetem bele yufala aotem from olketa animol wea yufala sakrifaesim. So yufala no fit fo waka olsem prist an bae mi tekem yufala wetem olketa bele ya, an torowem go long ravis.

Malakae 2:9

So, mi letem evri pipol fo meksem long yufala, bikos yufala nating falom nomoa wei blong mi, bat fevarem nomoa samfala pipol taem yufala tisim olketa.? Hem nao toktok blong Yawe hu hemi garem evri paoa.

1 Korin 4:13

An taem pipol i suea long mifala, mifala talem nomoa olketa gudfala samting long olketa. Stat kam distaem, olketa pipol olketa tingim mifala olsem ravis. Ya, mifala olsem olketa nogud samting tumas blong wol ya.

1 Korin 4:9

Bat hemi luk olsem mifala olketa aposol ya, la-las ples nao God hemi givim long mifala. Mifala olsem pipol wea olketa jajem olketa fo dae long ae blong evriwan, wea olketa enjel an olketa pipol long wol olketa lukim trabol blong mifala.

Hibrus 10:33

Long samfala taem, olketa tokspoelem yufala an olketa mekful long yufala long ae blong plande pipol. An long samfala taem tu, yufala stanap fo sapotem samfala long yufala wea olketa pipol i spoelem olketa olsem ya.

Jiud 1:7

An yufala tingim moa olketa pipol blong tufala taon long Sodom an Gomora an olketa nara ples kolsap long tufala. Olketa go krangge olsem olketa enjel ya tu. Olketa durong wetem eniwan an olketa barava durong nogud moa. So panis blong olketa nao hemi bikfala faea wea hemi no save dae long enitaem. An diswan nao hemi saen fo wonem yumi evriwan ya.