Neiham 3:3 - Pijin Bible

³ Olketa soldia hu i raedem hos i resis kam fo kilim yufala dae. Olketa naef fo faet an spia i saen fogud olsem laetning taem olketa suingim fo kilim yufala dae. Bodi blong olketa man dae hemi plande tumas, an no eniwan save kaontem nao. Olketa bodi ya hemi stap olobaot nomoa, mekem olketa soldia i kolsap foldaon long olketa.

Pijin Deuterocanon

³ Olketa soldia hu i raedem hos i resis kam fo kilim yufala dae. Olketa naef fo faet an spia i saen fogud olsem laetning taem olketa suingim fo kilim yufala dae. Bodi blong olketa man dae hemi plande tumas, an no eniwan save kaontem nao. Olketa bodi ya hemi stap olobaot nomoa, mekem olketa soldia i kolsap foldaon long olketa.

Neiham 3:3 Iomraidhean Croise

Jenesis 3:24

An hemi putum olketa enjel fo olketa gohed fo gad long saet long ist long gudfala ples ya long Iden. An olketa gad wetem olketa naef fo faet. Kaen naef ya, faea nao hemi gohed fo laet long olketa, an hemi gohed fo raon-raon satem ples ya. Yawe hemi duim diswan fo stopem olketa man fo no go kolsap long tri ya wea frut blong hem hemi save givim laef.

2 Kings 19:35

Long datfala naet, Enjel blong Yawe hemi kam long ples wea olketa soldia blong Asiria i stap, an hemi kilim dae 185,000 long olketa. Taem olketa soldia i wekap long moning, seknomoa olketa lukim nao bodi blong olketa soldia wea i dae finis.

Aesaea 34:3

Ya, bodi blong olketa ya hemi staka fogud, an hemi no fitim nao fo berem olketa evriwan. Bae blad blong olketa hemi ran kamdaon falom maonten, an olketa bodi ya bae hemi roten an smel nogud long ples ya.

Aesaea 37:36

Enjel blong Yawe hemi kam long ples wea olketa soldia blong Asiria i stap, an hemi kilim dae 185,000 long olketa. Taem olketa pipol i wekap long moning, seknomoa olketa lukim nao bodi blong olketa soldia wea i dae finis.

Aesaea 66:16

Bae hemi yusim faea an naef fo faet fo panisim evri pipol long wol hu i no stret, an bae Yawe hemi kilim plande pipol nao.

Esikiel 39:4

Yu wetem olketa soldia blong yu, an olketa fren blong yu hu i gohed fo helpem yu, bae yufala dae olobaot long olketa maonten blong Israel. An bae mi letem olketa bed an olketa wael animol fo kaikaim yufala.

Neiham 2:4

Olketa kaat fo faet i gohed fo resis krangge olobaot nomoa falom olketa rod long taon an insaet long olketa bikfala open ples tu. Olketa spid olsem laetning, an saen olsem faea.

Habakuk 3:11

Taem yu bin sut long aro an spia, wea i saen olsem laetning, san an mun i no muv.