Neiham 3:16 - Pijin Bible

¹⁶ An olketa bisnisman blong yufala i kamap plande fogud winim olketa sta long skae. Bat long taem blong trabol, diskaen man olsem, hemi tekem evri gudfala samting blong hem an ranawe go, olsem wea evri grashopa i flae goawe bihaen taem olketa kaikaim evrisamting long wanfala ples.

Pijin Deuterocanon

¹⁶ An olketa bisnisman blong yufala i kamap plande fogud winim olketa sta long skae. Bat long taem blong trabol, diskaen man olsem, hemi tekem evri gudfala samting blong hem an ranawe go, olsem wea evri grashopa i flae goawe bihaen taem olketa kaikaim evrisamting long wanfala ples.

Neiham 3:16 Iomraidhean Croise

Jenesis 15:5

Bihaen, Yawe hemi tekem Ebram go aotsaet, an hemi tok olsem long hem, “Yu luk goap long skae, an trae fo kaontem olketa sta ya. Yu tingse yu save kaontem olketa ya go-go finis? !Ating nomoa ya! Mi talem yu, olketa pikinini wea bae olketa bon kam long laen blong yu, bae olketa staka fogud olsem olketa sta ya.”

Jenesis 22:17

bae mi barava blesim yu, an olketa wea bae i bon kam long laen blong yu, bae olketa staka fogud. Bae olketa plande tumas olsem olketa sta long skae, an olsem olketa sanbis daon long saet si. An bae olketa gohed fo winim olketa enemi blong olketa.

Nehemaea 9:23

Yu mekem wea olketa garem plande pikinini, olsem olketa sta long skae, an yu tekem olketa kam fo stap long disfala lan wea yu bin talem olketa grani blong olketa fo go tekova long hem.

Sams 105:34

Hemi tok nomoa an olketa grashopa i kam, an olketa no save kaontem nao.

Aesaea 23:8

Long bifoa, olketa pipol blong Taea nao i putum olketa pipol fo rul ovarem olketa narafala ples, an olketa pipol i gohed fo tinghae long olketa bisnisman blong Taea, winim olketa narafala bisnisman. !Bat yufala nating save hao nao disfala nogud samting wea hemi kasem yufala!

Jeremaea 33:22

Bae mi mekem olketa long laen blong Deved, hu hemi wakaman blong mi, an olketa prist long traeb blong Livae i kamap plande tumas, olsem olketa sta long skae, an olsem sanbis long solwata, wea man hemi no save kaontem.”

Joel 1:4

Fofala taem nao olketa grashopa i gohed fo kam. Olketa i plande fogud an kavaremap finis evri gaden. Olketa samting wea olketa fas grashopa i no kaikaim, samfala grashopa moa i kam an kaikaim. An olketa samting wea olketa mektu grashopa ya i no kaikaim, samfala grashopa moa i kam an kaikaim. An evri narafala samting wea hemi stap yet, olketa narafala grashopa moa i kam an barava finisim nao.