Neiham 3:1 - Pijin Bible

¹ (Profet) !Sore tumas long yufala, olketa pipol blong Nineve! Nem long taon blong yufala nao hemi “Taon blong Blad”, bikos oltaem yufala kilim pipol dae. Yufala pipol fo laea, an evri ples blong yufala hemi fulap long olketa gudfala samting wea yufala bin tekem from olketa narafala pipol long faet. Oltaem yufala gohed fo spoelem olketa narafala pipol.

Pijin Deuterocanon

¹ (Profet) !Sore tumas long yufala, olketa pipol blong Nineve! Nem long taon blong yufala nao hemi “Taon blong Blad”, bikos oltaem yufala kilim pipol dae. Yufala pipol fo laea, an evri ples blong yufala hemi fulap long olketa gudfala samting wea yufala bin tekem from olketa narafala pipol long faet. Oltaem yufala gohed fo spoelem olketa narafala pipol.

Neiham 3:1 Iomraidhean Croise

Sams 62:10

Ravis wei fo fosim pipol fo givim olketa samting long yufala, datwan yufala mas no trastem. Nomata wea evrisamting blong yufala hemi kamap plande, yufala mas no trastem olketa samting ya.

Aesaea 17:14

Long naet, olketa mekem yumi fraet an seksek. Bat long moning, olketa lus finis nao. Hem nao wanem bae hemi hapen long olketa pipol hu i kam an spoelem ples blong yumi, an stilim tu evrisamting blong yumi.

Aesaea 24:9

Hem nao mi nating lukim eni man hemi dringim waen an singsing olsem bifoa. An taem olketa dringim bia, hemi saoa tumas long olketa nao.

Aesaea 42:24

?Yufala tingse, hu nao hemi letem olketa enemi fo spoelem Israel an stilim evrisamting insaet? Yawe hu yumi sin agensim nao, hemi letem olketa samting ya fo hapen. Hemi duim olsem, bikos yumi no falom wei blong hem, an yumi no obeim lo blong hem.

Hosia 4:2

Oltaem yufala mekem strongfala promis, bat yufala nating kipim. Yufala save laea tumas, an yufala save kilim man dae, an yufala save stil, an yufala save brekem lo blong marit. Oltaem yufala gohed fo brekem Lo blong mi, an yufala gohed nomoa fo mekem olketa narafala pipol safa.

Neiham 2:13

Hem ya nao mesij blong Yawe hu hemi garem evri paoa. Hemi tok olsem long olketa pipol blong Nineve, “!Yufala lisin kam! Mi nao mi agensim yufala. Bae mi bonem olketa kaat blong yufala fo faet. Nomata olketa soldia blong yufala i olsem strongfala laeon, bat bae olketa dae long faet. An evrisamting wea yufala bin tekem from olketa enemi blong yufala, bae mi tekemaot evriwan. Bae yufala kanduit sendem moa olketa man fo tekem mesij fo fosim olketa narafala kantri fo stap andanit long rul blong yufala.”

Habakuk 2:12

!Sore tumas long yufala hu i bildim taon wea faondesin blong hem hemi olsem disfala ravis wei wea yufala kilim pipol dae an falom enikaen ravis tingting!