Neiham 2:2 - Pijin Bible

² Nomata olketa enemi blong Israel bin spoelem lan blong olketa an tekem evri gudfala samting blong olketa, bat Yawe hemi gohed nao fo mekem olketa gudbaek moa, an bae hemi givimbaek moa bikfala nem an paoa long olketa.

Pijin Deuterocanon

² Nomata olketa enemi blong Israel bin spoelem lan blong olketa an tekem evri gudfala samting blong olketa, bat Yawe hemi gohed nao fo mekem olketa gudbaek moa, an bae hemi givimbaek moa bikfala nem an paoa long olketa.

Neiham 2:2 Iomraidhean Croise

Sams 47:4

Yumi nao laen blong Jekob, God hemi lavem yumi. Lan wea yumi stap long hem, wea yumi gohed fo praod long hem ya, God seleva nao hemi bin siusim fo yumi onam.

Aesaea 60:15

“Olketa pipol i bin agensim yufala an les long yufala. An no eniwan bin kam long disfala taon blong yufala fo visit o duim bisnis. Nomata olsem, bae mi haemapem taon ya fo evritaem olowe nao, fo kamap ples wea evri pipol i laek fo kam long hem.

Jeremaea 25:29

!Yufala lukim! Mi stat finis fo spoelem Jerusalem wea evri pipol save hemi blong mi. ?Waswe, yufala tingse wea bae yufala save ranawe from disfala panis, mekem hemi no save kasem yufala? !Nomoa! Panis ya mas kasem yufala. Bae hemi mekem evriwan hu i stap long wol ya fo safa long bikfala faet.’” Hem nao mesij blong Yawe, hu hemi garem evri paoa.

Jeremaea 48:11

Yawe hemi gohed fo tok olsem, “Oltaem olketa pipol blong Moab bin gohed fo stap gud nomoa, an no eni enemi bin fosim olketa fo lusim lan blong olketa fo go long narafala kantri. Kantri ya hemi barava olsem waen wea olketa no bin kapsaetem long narafala botol fo klinim waen ya, mekem olketa ravis gohed fo stap insaet long hem. Test an smel blong hem no save kamap gud.

Jeremaea 49:9

Taem olketa pipol i tekemaot olketa frut blong grep, oltaem olketa mas livim samfala fo stap long rop blong hem. An taem man fo stil hemi kam long naet, hemi save stilim nomoa olketa samting wea hemi laekem.

Esikiel 37:21

an talem olketa dat mi Lod Yawe nao mi tok olsem: Bae mi tekemaot olketa blong Israel evriwan from olketa kantri wea olketa stap long hem distaem, an tekem olketa kambaek moa long disfala lan blong olketa.

Esikiel 37:23

Bae olketa no gohed moa fo mekem olketa seleva fo kamap no klin long ae blong mi from olketa ravis kaving, an bae olketa no save spoelem olketa moa long sin. Bae mi tekem olketa kamaot, an sevem olketa from olketa ravis wei wea hemi gohed fo mekem olketa foldaon. Bae mi mekem olketa klin moa long ae blong mi. An bae olketa kamap spesol pipol blong mi, an mi nao mi God blong olketa.

Hosia 10:1

Bifoa, olketa blong Israel i stap gudfala tumas olsem wanfala grep tri wea hemi garem plande frut. Taem olketa kamap ris, olketa wakem plande moa olta fo olketa narafala god. Taem lan hemi gud an hemi garem plande kaikai, olketa mekem olketa tambu pos blong olketa narafala god ya fo kamap barava spesol moa.

Neiham 2:10

Taon ya hemi kamap nogud tumas. Olketa enemi i tekemaot evrisamting. No enisamting hemi stap long hem nao. Olketa pipol i fraet an seksek fogud. Olketa no garem eni paoa nao, an fes blong olketa hemi kamap nogud tumas.

Neiham 3:14

Distaem, yufala mas redim olketa samting fo faet wea bae hemi gohed fo longtaem. Bae olketa enemi i raonem taon blong yufala, mekem yufala no save kamaot. Yufala mas tekem plande wata insaet fo dring. Yufala mas tekem red graon, an step long hem mekem hemi kamap sof fo wakem olketa brik. An yufala mas mekem olketa strongfala sefples blong yufala fo kamap strong moa.

Sefenaea 3:11

An yufala olketa pipol blong mi, long datfala taem, bae yufala no save sem long wei yufala bin agensim mi bifoa. Bikos bae mi tekemaot olketa hu i praod an bikhed, an bae yufala no agensim mi moa long holi maonten blong mi.