Neiham 2:10 - Pijin Bible

¹⁰ Taon ya hemi kamap nogud tumas. Olketa enemi i tekemaot evrisamting. No enisamting hemi stap long hem nao. Olketa pipol i fraet an seksek fogud. Olketa no garem eni paoa nao, an fes blong olketa hemi kamap nogud tumas.

Pijin Deuterocanon

¹⁰ Taon ya hemi kamap nogud tumas. Olketa enemi i tekemaot evrisamting. No enisamting hemi stap long hem nao. Olketa pipol i fraet an seksek fogud. Olketa no garem eni paoa nao, an fes blong olketa hemi kamap nogud tumas.

Neiham 2:10 Iomraidhean Croise

Jenesis 1:2

no enisamting hemi stap stret yet long disfala wol. Tudak nomoa hemi gohed fo kavarem bikfala wata, an Spirit blong God hemi gohed fo muv antap long wata ya.

Sams 22:14

Strong blong mi hemi lus finis nao, olsem wata wea i kapsaet go insaet long sanbis. Olketa bon blong mi i no joen tugeta nao, an tingting blong mi hemi barava wik tumas.

Aesaea 14:23

Bae mi mekem taon ya fo kamap wanfala bikfala krik, an bae hemi kamap ples blong olketa aol tu. An bae mi tekem wanfala brum wea hemi naf fo brumum aot evrisamting, mekem ples ya hemi emti finis.” Hem nao mesij blong Yawe hu hemi garem evri paoa.

Aesaea 21:3

Olketa nogud samting wea mi lukim an herem hemi barava soa fogud long mi, olsem woman wea hemi filpein taem hemi bonem pikinini.

Aesaea 24:1

(Profet) !Olketa! Bae Yawe hemi spoelem disfala wol, an no enisamting nao bae hemi stap long hem. Bae hemi brekem graon ya olsem taem blong etkuek, an bae hemi mekem olketa pipol fo go olobaot nomoa long olketa deferen ples long wol.

Jeremaea 30:6

?Waswe? ?Man hemi save bonem pikinini? ?Bat waswe nao mi lukim olketa man i holem bele, olsem woman hu hemi redi fo bonem pikinini blong hem? ?Waswe nao fes blong olketa i somaot dat i fraet tumas olsem?

Jeremaea 49:23

Hem ya nao mesij wea Yawe hemi talemaot abaotem olketa blong Damaskas. Hemi tok olsem, “Olketa blong tufala taon long Hamat an Apad i herem badnius, nao bae olketa wari an fraet tumas long hem. Olketa filnogud tumas olsem olketa insaet long bot long taem blong biksi.

Jeremaea 51:62

Den bae yu prea, wea yu tok olsem, ‘O Yawe. Yu bin talem dat bae yu spoelem disfala ples, mekem hemi kamap nogud wea no eni man an no eni animol save stap long hem. An ples ya nao bae hemi no save gudbaek moa enitaem.’

Jeremaea 8:21

Mi filnogud tumas, bikos olketa pipol blong mi i kamap nogud tumas. Mi sore an krae, an tingting blong mi hemi wikdaon finis.

Esikiel 21:7

An sapos olketa askem yu olsem, ‘?Waswe nao yu gohed fo filnogud an yu gohed fo sore an krae olsem?’, bae yu tok olsem long olketa, ‘Mi filnogud tumas olsem, bikos mi save long ravis nius wea bae hemi kam long yufala. Bae yufala kamap barava fraet fogud, an han an lek blong yufala evriwan bae hemi wik fogud long fraet, an bae tingting blong yufala hemi wikdaon fogud, an yufala seksek fogud tu.’ Kuiktaem nao bae disfala ravis nius hemi kam, an taem hemi kam finis, disfala ravis samting bae hemi hapen tru nao. Hem nao mesij blong mi Lod Yawe.”

Esikiel 31:15

“Mi Lod Yawe nao mi tok olsem: Long de wea disfala tri ya hemi godaon long Grev, mi stopem disfala bikfala springwata wea hemi ran andanit long graon fo no ran moa, an evri wata wea hemi kamaot long hem, hemi stop tu bikos olketa sore an krae. Bikos disfala tri hemi dae finis, mi mekem tudak fo kavaremap olketa hil long Lebanon, an mi mekem evri tri long bus fo kamap drae.

Daniel 5:6

Hemi barava fraet fogud, nao bodi blong hem hemi wik, an hemi barava seksek fogud.

Joel 2:6

Taem olketa gohed fo kam kolsap, olketa pipol i lukim an seksek fogud, an fes blong olketa pipol hemi barava luk nogud nao long fraet.

Neiham 2:2

Nomata olketa enemi blong Israel bin spoelem lan blong olketa an tekem evri gudfala samting blong olketa, bat Yawe hemi gohed nao fo mekem olketa gudbaek moa, an bae hemi givimbaek moa bikfala nem an paoa long olketa.

Neiham 3:7

Evriwan hu i lukim yufala, bae i seke fogud an ranawe. Bae olketa tok olsem, ‘!Nineve hemi kamap barava nogud nao! ?Hu nao bae hemi krae fo hem?’ !No eniwan nao hemi filsore long hem!”

Sefenaea 3:6

Yawe hemi tok olsem, ?Mi spoelem plande kantri finis. An olketa taon blong olketa wea i garem wolston, mi brekemdaon olketa finis. Olketa taon ya nao i emti, an no eni pipol nao i wakabaot long olketa. Olketa biktaon blong olketa i bagarap nao, no eniwan blong olketa bae i stap. No eniwan nao.

Josua 2:11

An taem mifala herem nius abaotem olketa samting ya, mifala barava fraet an seksek fogud, an distaem tingting blong mifala hemi wikdaon finis. Yawe hu hemi God blong yufala, hem nao God blong heven an disfala wol ya.

Josua 7:5

Olketa man blong Ai i stat long geit long bikfala wolston blong taon ya an ronem olketa go-go kasem wanfala hil wea olketa digim ston long hem. An taem olketa ronem olketa kamdaon long hil ya, olketa kilim dae teti-siks long olketa soldia blong Josua. Olketa blong Israel i fraet fogud long olketa man ya, an tingting blong olketa hemi barava wikdaon finis nao.