Neiham 1:5 - Pijin Bible

⁵ Taem hemi kam, olketa bikfala maonten i seksek, an olketa smolfala hil i kamap sof olsem wata wea hemi randaon. Disfala wol wetem evriwan hu i stap long hem, i fraet an seksek.

Pijin Deuterocanon

⁵ Taem hemi kam, olketa bikfala maonten i seksek, an olketa smolfala hil i kamap sof olsem wata wea hemi randaon. Disfala wol wetem evriwan hu i stap long hem, i fraet an seksek.

Neiham 1:5 Iomraidhean Croise

2 Samuel 22:8

Bikos God hemi barava kros tumas, graon long wol hemi seksek, an skae antap tu hemi tanda.

Stori abaotem Job 26:11

Taem hemi tokstrong long olketa pos wea i holemap skae, olketa fraet, an seksek fogud olsem wanfala man.

Stori abaotem Job 9:5

Enitaem nomoa hemi save muvum olketa maonten, an taem hemi kros, hemi save brekemdaon olketa maonten nomoa.

Sams 104:32

Taem hemi luk kamdaon long wol ya, graon hemi seksek olsem etkuek. Ya, taem hemi tasim olketa maonten, smok hemi kamaot from olketa olsem volkeno.

Sams 114:4

Olketa maonten i seksek olsem olketa nanigot wea i fraet. Ya, olketa hil i olsem olketa sipsip wea i ra-ran olobaot bikos olketa fraet tumas.

Sams 114:6

?Olketa maonten, wanem nao hemi mekem yufala fo seksek olsem olketa nanigot ya? ?Olketa hil, wanem nao hemi mekem yufala olsem olketa sipsip wea i ja-jam olobaot ya?

Sams 18:7

Bikos God hemi kros tumas long olketa enemi blong mi, hem nao graon long wol ya hemi seksek fogud, an botom blong olketa maonten tu i seksek.

Sams 18:8

Kros blong hem hemi bikfala tumas olsem faea wea hemi laet bikfala, an hemi barava hot fogud. Ya, hemi olsem wea smok hemi kamaot from nous blong hem an hot ston hemi kam aot long maos blong hem.

Sams 46:6

Olketa narafala kantri i raoa, an rul blong olketa king i stat fo foldaon. Taem God hemi singaot kam, wol ya hemi kamap olsem wata nating.

Sams 68:8

Yu nao God hu yu somaot paoa blong yu long maonten long Saenae, an yu nao God blong mifala pipol blong Israel. An long taem wea yu kam, graon hemi seksek, an bikfala ren tu hemi kam.

Sams 98:7

Yu solwata wetem evrisamting wea i stap long yu, yufala evriwan mas mekem bikfala noes. Yu wol wetem evri pipol wea i stap long yu, yufala evriwan mas singsing.

Eksodas 19:18

Yawe hemi kamdaon insaet long bikfala faea wea hemi laet raonem hem, antap long maonten ya, an bikfala smok hemi kavaremap nao. Smok ya hemi gohed fo goap olsem smok blong wanfala barava bikfala faea, an maonten ya hemi seksek fogud.

Aesaea 24:1

(Profet) !Olketa! Bae Yawe hemi spoelem disfala wol, an no enisamting nao bae hemi stap long hem. Bae hemi brekem graon ya olsem taem blong etkuek, an bae hemi mekem olketa pipol fo go olobaot nomoa long olketa deferen ples long wol.

Aesaea 24:20

Wol ya bae hemi rol olobaot, olsem wanfala drang man wea hemi no save wakabaot stret. Wol ya bae hemi seksek olsem lif haos wea hemi seksek taem saekloun hemi kasem. Olketa sin blong olketa pipol long disfala wol hemi olsem wanfala hevi samting long baeksaet blong olketa. An bae hemi mekem olketa foldaon an no save getap moa.

Aesaea 5:25

Yufala nao olketa pipol blong Yawe, bat bikos yufala mekem hem kros tumas, bae hemi kilim yufala dae. Bae hemi mekem olketa maonten fo seksek an plande pipol nao i dae wea bodi blong olketa i stap olobaot nomoa falom olketa rod olsem ravis. Bat nomata Yawe hemi panisim olketa olsem, hemi gohed fo kros nomoa long olketa. An bae hemi redi fo panisim olketa moa.

Jeremaea 10:10

Bat yu Yawe, yu nomoa yu tru God. Yu God wea yu laef, an yu King wea yu stap fo evritaem olowe. Taem yu kros, evri ples long wol hemi seksek, an no eniwan long olketa narafala kantri hemi fitim fo stanap strong.

Jeremaea 4:24

Mi luk go long olketa maonten, bat olketa seksek, an evri hil tu hemi gohed fo mu-muv.

Esikiel 38:20

Evri fis, an evri bed, an evri animol, an evrisamting wea hemi laef, an evri pipol long wol bae i fraet an seksek frant long mi. Olketa maonten bae i brek, an olketa hae ples bae i foldaon, an olketa wolston bae i brek finis an foldaon long graon.

Joel 2:10

Taem olketa grashopa ya i gohed fo muv kam, graon hemi seksek fogud, an skae tu hemi seksek. Ya, san an mun i kamap tudak an olketa sta i nating saen moa nao.

Emos 9:5

(Profet) Lod Yawe, hu hemi garem evri paoa, hemi save tasim nomoa disfala wol an graon hemi seksek nao, an yufala evriwan bae i sore an krae. Bae hemi olsem wanfala etkuek wea hemi sekem disfala kantri an graon bae hemi goap an daon, olsem Nael Riva taem hemi flad.

Maeka 1:4

Hem nao olketa maonten ya bae i ranaot, olsem kandol wea hemi stap kolsap long faea. Bae olketa ran kamdaon insaet long olketa vali, olsem wata wea hemi ran kamdaon from wanfala hil.

Habakuk 3:10

Taem olketa maonten bin lukim yu, olketa seksek fogud. Long datfala taem, bikfala ren bin kamdaon, an dipsi bin meknoes tumas, an bikfala wev bin kamap hae.

Sekaraea 4:7

?Long spirit ya, Serababel save winim evri had samting wea hemi save stopem hem fo no finisim Tambuhaos blong Yawe. Ya, hemi olsem wea hemi save mekem wanfala bikfala maonten fo kamap flat ples. An taem hemi putum las ston long haos ya, bae olketa evriwan i singaot bikfala olsem, ?!Hemi gud tumas! !Hemi gud tumas!??

Malakae 4:1

Yawe hemi tok olsem, ?De blong mi fo jaj bae hemi kam, an bae hemi olsem bikfala faea. Evri praod pipol an evri pipol hu i duim olketa ravis samting, bae i olsem drae gras, an long datfala de bae olketa barava bone. Bae no eniwan long olketa hemi stap bikos nomata olketa rut blong gras, faea hemi bonem tu.

Matiu 27:51

Long semtaem tu, disfala bikfala kaleko wea hemi hangdaon insaet long Tambuhaos ya, hemi brek long midol long hem nao, stat kam long antap go-go kasem long botom. An etkuek hemi sekem graon, an hemi mekem olketa bikfala ston fo brek.

Matiu 28:2

!An seknomoa, wanfala bikfala etkuek hemi sekem evrisamting nao! An wanfala enjel blong God hemi kamdaon long heven, an hemi rolem go disfala ston an hemi go sidaon antap long hem nao.

Revelesin 20:11

Den mi lukim wanfala bikfala tron wea hemi waet fogud, an mi lukim tu God hu hemi sidaon long hem. An wol wetem skae tufala ranawe from God, an no eniwan save faendem tufala long eni ples.

Revelesin 6:14

An skae tu hemi goawe, olsem wanfala mat wea man hemi rolemap. An olketa maonten an olketa aelan tu, olketa evriwan goawe from ples olketa stap fastaem.

Jajis 5:5

Olketa maonten tu i seksek long Yawe, God blong Israel, hu hemi somaot paoa blong hem long Saenae.