Nehemaea 9:4 - Pijin Bible

⁴ Olketa Livaet i stanap long bikfala lada, an olketa gohed fo singaot bikfala long Yawe God blong olketa. Nem blong olketa ya nao, Jesua, an Bani, an Kadmiel, an Sebanaea, an Buni, an Serebaea, an narafala Bani, an Kenani.

Pijin Deuterocanon

⁴ Olketa Livaet i stanap long bikfala lada, an olketa gohed fo singaot bikfala long Yawe God blong olketa. Nem blong olketa ya nao, Jesua, an Bani, an Kadmiel, an Sebanaea, an Buni, an Serebaea, an narafala Bani, an Kenani.

Nehemaea 9:4 Iomraidhean Croise

2 Kronikols 20:19

Den samfala Livaet long laen blong Kohat an Kora i stanap an singaot bikfala fo preisim Yawe, God blong Israel.

Nehemaea 12:8

Olketa Livaet hu i kambaek wetem tufala ya, nem blong olketa ya hemi olsem: Jesua, an Binui, an Kadmiel, an Serebaea, an Jiuda, an Matanaea hu hemi lidim kuaea wea olketa singim olketa preis singsing, wetem olketa wantok blong hem.

Nehemaea 3:17

Olketa Livaet i waka long neks haf blong wolston ya, an Rehum, san blong Bani, hemi bos blong olketa. Hasabaea, hu hemi bikman long wanfala haf long distrik long Keila, hemi wakem neks haf blong wolston ya fo olketa pipol long distrik ya blong hem.

Nehemaea 8:4

Olketa bin wakem wanfala ples long timba, mekem Esra save stanap hae winim olketa pipol. Long raet saet blong hem, Matitaea, an Sema, an Anaea, an Yuraea, an Hilkaea, an Maasea, olketa stanap. An long lef saet blong hem, Pedaea, an Misael, an Malkaeja, an Hasum, an Hasbadana, an Sekaraea, an Mesulam, olketa stanap.

Nehemaea 8:7

Taem olketa pipol i stanap long open eria ya, olketa Livaet wea nem blong olketa nao Jesua, an Bani, an Serebaea, an Jamin, an Akub, an Sabetae, an Hodaea, an Maasea, an Kelita, an Asaraea, an Josabad, an Hanan, an Pelaea, olketa ya i helpem olketa pipol fo minim Lo ya.

Nehemaea 9:5

An narafala grup long Livaet wea nem blong olketa nao Jesua, an Kadmiel, an Bani, an Hasabnea, an Serebaea, an Hodaea, an Sebanaea, an Petahaea, olketa ya i singaot bikfala olsem, “!Olketa! !Yumi evriwan mas preisim Yawe God blong yumi distaem an fo evritaem olowe! “!O God! !Letem mifala evriwan mekhae long nem blong yu! !Yu hae moa winim mifala save talem!

Sams 130:1

Lod Yawe, yu nao yu Masta blong mi. Taem mi kol go long yu, plis yu helpem mi. Olketa trabol wea hemi kasem mi, hemi mekem tingting blong mi fo barava wikdaon. ?Sapos yu raetemdaon olketa sin blong mifala, hu nao save ranawe from panis blong yu?

Sams 3:4

Mi krae kam long yu mekem yu helpem mi. An yu stap kam long holi maonten blong yu, an yu gohed fo ansarem mi.

Sams 77:1

Mi krae bikfala go long God. Ya, mi krae go long hem, nao hemi herem mi.

Lamentesin 3:8

Nomata mi kraeaot go long hem, bat hemi les fo lisin long prea blong mi.

Gudnius abaotem Jisas Kraes wea Jon hemi raetem 11:43

Taem hemi tok olsem finis, hemi singaot bikfala nao, “!Lasaros, yu kamaot!”

Aposol 7:60

An hemi nildaon long graon an hemi singaot olsem, “!Masta, plis yu no sensimbaek disfala sin blong olketa!” Taem hemi talem diswan nomoa, hemi dae nao.