Nehemaea 9:21 - Pijin Bible

²¹ Long foti yia ya wea olketa gohed fo wakabaot long datfala drae eria, oltaem nomoa yu gohed fo lukaftarem olketa. Olketa no sot long enisamting. Kaleko blong olketa i no bre-brek, an lek blong olketa i no soa.

Pijin Deuterocanon

²¹ Long foti yia ya wea olketa gohed fo wakabaot long datfala drae eria, oltaem nomoa yu gohed fo lukaftarem olketa. Olketa no sot long enisamting. Kaleko blong olketa i no bre-brek, an lek blong olketa i no soa.

Nehemaea 9:21 Iomraidhean Croise

Sams 34:10

Maet olketa strongfala laeon i save sot long kaikai, bat olketa wea i go long Yawe fo help, olketa nao i garem evri gudfala samting.

Eksodas 16:35

Fo foti yia, olketa pipol blong Israel i gohed fo kaikaim mana, go-go olketa kasem lan wea olketa laen blong Kenan i stap long hem.

Emos 5:25

?!Olketa pipol blong Israel! Fo fotifala yia mi bin lidim olketa grani blong yufala bifoa long drae eria. ?Long datfala taem, hu nao olketa bin mekem sakrifaes an givim ofaring fo wosipim hem? ?Waswe, olketa mekem sakrifaes kam long mi? !Nomoa nao!

Aposol 13:18

An taem olketa goraon long drae ples ya, hemi helpem olketa nomata olketa go-gohed fo mekem trabol tumas long fotifala yia.

Diutronomi 2:7

“‘Yufala mas no fogetem wei wea Yawe, God blong yufala, hemi blesim yufala long evrisamting wea yufala duim. Olowe long foti yia wea yumi wakabaot long bikfala drae eria, hemi lukaftarem yufala, an yufala nating save sot long enisamting.’

Diutronomi 29:5

Hemi sei long yufala, ‘Long fotifala yia wea mi gohed fo lidim yufala long drae eria, olketa kaleko blong yufala an olketa slipa blong yufala i no brek o kamap nogud.

Diutronomi 8:2

Olowe yufala mas gohed fo rimembarem wei wea Yawe, God blong yufala, hemi lidim yufala long drae eria long fotifala yia. Hemi mekem yufala kasem hadtaem fo traem yufala, an fo faendemaot tingting blong yufala, an fo save dat bae yufala save obeim olketa lo blong hem o nomoa.

Diutronomi 8:4

“Long foti yia ya wea yufala gohed fo wakabaot, olketa kaleko blong yufala i no bre-brek, an lek blong yufala i no soa.