Nehemaea 8:8 - Pijin Bible

⁸ Olketa ridimaot Lo ya blong God, nao olketa transletem go long langguis blong olketa, mekem olketa minimgud olketa toktok ya.

Pijin Deuterocanon

⁸ Olketa ridimaot Lo ya blong God, nao olketa transletem go long langguis blong olketa, mekem olketa minimgud olketa toktok ya.

Nehemaea 8:8 Iomraidhean Croise

Esra 4:18

“Leta ya wea yufala sendem kam, taem olketa ridim long mi nao, olketa tanem kam long langguis blong mi.

Nehemaea 8:12

Nao olketa evriwan i gohom, wetem hapi tingting, an olketa mekem bikfala fist. Olketa searem samfala kaikai an waen wetem olketa pipol hu i no garem naf. Olketa hapi tumas bikos olketa minimgud olketa toktok ya wea Esra hemi ridimaot go long olketa.

Nehemaea 8:7

Taem olketa pipol i stanap long open eria ya, olketa Livaet wea nem blong olketa nao Jesua, an Bani, an Serebaea, an Jamin, an Akub, an Sabetae, an Hodaea, an Maasea, an Kelita, an Asaraea, an Josabad, an Hanan, an Pelaea, olketa ya i helpem olketa pipol fo minim Lo ya.

Nehemaea 8:9

Taem olketa pipol i herem olketa toktok ya blong Lo, olketa sore fogud mekem olketa krae bikfala. Bat mi Nehemaea, hu mi gavna blong Jiuda, wetem Prist Esra an olketa Livaet hu i gohed fo helpem olketa pipol fo minim Lo ya, mifala tok olsem long olketa pipol, “Tude hemi tambu fo Yawe God blong yumi. So yufala mas no sore an krae.”

Nehemaea 9:3

Taem olketa stanap long datfala ples, olketa gohed fo ridimaot buk long Lo blong Yawe God blong olketa fo tri aoa, den olketa talemaot olketa sin blong olketa an mekem wosip long Yawe God blong olketa fo tri aoa moa.

Esikiel 46:10

King ya tu mas kam insaet wetem olketa pipol, an bae hemi goaot wetem olketa tu.

Habakuk 2:2

Yawe hemi ansarem mi olsem, ?Olketa samting ya wea mi somaot long yu, yu mas raetem klia long wanfala saen, mekem hemi isi fo ridim.

Gudnius abaotem Jisas Kraes wea Luk hemi raetem 24:27

An Jisas hemi stat fo talemaot klia nao long tufala ya wanem nao olketa bin raetem abaotem hem insaet long Buktambu, stat kam long olketa buk blong Mosis an olketa buk blong olketa profet.

Gudnius abaotem Jisas Kraes wea Luk hemi raetem 24:32

Nao tufala gohed fo toktok olsem, “Maewat, taem hemi toktok long yumitufala long rod ya an hemi gohed fo talemaot klia olketa samting long Buktambu ya, yumitufala heremgud tumas mekem yumitufala hapi long hem ya.”

Gudnius abaotem Jisas Kraes wea Luk hemi raetem 24:45

Nao hemi openem tingting blong olketa, mekem olketa save minimgud olketa toktok insaet long Buktambu.

Aposol 28:23

So olketa makem wanfala de wea olketa save kam moa fo lukim Pol. An long de ya, plande moa long olketa nao olketa kam an hipap long haos wea Pol hemi stap long hem. An stat long moning go-go kasem long ivining, hemi gohed fo talemaot klia tumas long olketa pipol abaotem kingdom blong God. Hemi talemaot olketa toktok abaotem Jisas wea olketa stap long Lo blong Mosis an long olketa profet. An hemi traehad fo mekem olketa fo stat fo biliv long Jisas.