Nehemaea 8:7 - Pijin Bible

⁷ Taem olketa pipol i stanap long open eria ya, olketa Livaet wea nem blong olketa nao Jesua, an Bani, an Serebaea, an Jamin, an Akub, an Sabetae, an Hodaea, an Maasea, an Kelita, an Asaraea, an Josabad, an Hanan, an Pelaea, olketa ya i helpem olketa pipol fo minim Lo ya.

Pijin Deuterocanon

⁷ Taem olketa pipol i stanap long open eria ya, olketa Livaet wea nem blong olketa nao Jesua, an Bani, an Serebaea, an Jamin, an Akub, an Sabetae, an Hodaea, an Maasea, an Kelita, an Asaraea, an Josabad, an Hanan, an Pelaea, olketa ya i helpem olketa pipol fo minim Lo ya.

Nehemaea 8:7 Iomraidhean Croise

1 Kings 8:14

Taem olketa pipol blong Israel i stanap long ples ya, king hemi taneraon go long olketa, an hemi blesim olketa.

2 Kronikols 30:22

Nao Hesekaea hemi talemaot long olketa prist an olketa Livaet wea hemi hapi tumas long waka blong olketa, bikos olketa savegud tumas long wei fo lidim olketa pipol fo wosipim Yawe. Oltaem long olketa sevenfala de ya, olketa prist an Livaet i gohed fo preisim Yawe hu hemi God blong olketa grani blong olketa, an olketa kaikaim olketa tambu kaikai from olketa sakrifaes fo somaot dat olketa stapgud wetem Yawe.

2 Kronikols 35:3

Nao samfala Livaet i bin tisim Lo blong Yawe long olketa pipol blong Israel. So Josaea hemi kolem kam olketa Livaet ya wea olketa bin mektambu long olketa seleva fo Yawe. Den hemi tok olsem long olketa, “Putum Tambu Boks insaet long Tambuhaos wea Solomon, san blong Deved an king blong Israel, hemi bin wakem. Bihaen, yufala no mas karim hem moa long solda blong yufala. Yufala mas duim nomoa olketa waka blong Yawe hu hemi God blong yufala, an yufala mas duim waka fo pipol blong Israel.

Esra 8:18

Bikos God blong yumi hemi blesim mifala tumas, olketa sendem Serebaea hu hemi wanfala man wea hemi garem save. Serebaea ya, hemi long laen blong Mali, hu hemi wanfala grani blong Livae, san blong Jekob. Olketa sendem tu samfala long olketa san blong hem, an samfala long olketa wantok blong hem, wea namba blong olketa wetem Serebaea hemi kasem eitin.

Nehemaea 10:18

an Hodaea, an Hasum, an Besae,

Nehemaea 10:2

Olketa prist hu i putum spesol mak long pepa ya, hemi olsem: Seraea, an Asaraea, an Jeremaea, an Pasuru, an Amaraea, an Malkaeja, an Hatus, an Sebanaea, an Maluk, an Harim, an Meremot, an Obadaea, an Daniel, an Gineton, an Baruk, an Mesulam, an Abaeja, an Mijamin, an Maasaea, an Bilgae, an Semaea.

Nehemaea 11:16

Sabetae an Josabad, tufala ya i lida blong olketa Livaet wea i lukaftarem olketa waka aotsaet long Tambuhaos blong God.

Nehemaea 11:19

Olketa Livaet hu i sekiuriti long olketa geit blong Tambuhaos hemi olsem: Akub an Talmon, wetem olketa wantok wea namba blong olketa nao hemi kasem 172.

Nehemaea 12:33

Asaraea, an Esra, an Mesulam, an Jiuda, an Benjamin, an Semaea, an Jeremaea, olketa tu wakabaot long disfala grup.

Nehemaea 3:17

Olketa Livaet i waka long neks haf blong wolston ya, an Rehum, san blong Bani, hemi bos blong olketa. Hasabaea, hu hemi bikman long wanfala haf long distrik long Keila, hemi wakem neks haf blong wolston ya fo olketa pipol long distrik ya blong hem.

Nehemaea 3:19

Esa, san blong Jesua, hu hemi bikman long taon long Mispa, hemi wakem neks haf blong hem. Hemi stat long ples kolsap long lada wea hemi goap long disfala haos fo stoarem olketa wepon, go-go kasem ples wea wolston ya hemi garem kona long hem.

Nehemaea 3:23

Benjamin an Hasub, tufala wakem neks haf blong wolston ya, wea hemi frant long haos blong tufala. Asaraea, san blong Maasea, wea grani blong hem nao Ananaea, hemi wakem neks haf blong wolston ya, wea hemi kolsap long haos blong hem.

Nehemaea 8:12

Nao olketa evriwan i gohom, wetem hapi tingting, an olketa mekem bikfala fist. Olketa searem samfala kaikai an waen wetem olketa pipol hu i no garem naf. Olketa hapi tumas bikos olketa minimgud olketa toktok ya wea Esra hemi ridimaot go long olketa.

Nehemaea 8:4

Olketa bin wakem wanfala ples long timba, mekem Esra save stanap hae winim olketa pipol. Long raet saet blong hem, Matitaea, an Sema, an Anaea, an Yuraea, an Hilkaea, an Maasea, olketa stanap. An long lef saet blong hem, Pedaea, an Misael, an Malkaeja, an Hasum, an Hasbadana, an Sekaraea, an Mesulam, olketa stanap.

Nehemaea 8:6

Esra hemi singaot bikfala olsem, “!Yumi mas preisim Yawe, hu hemi bikfala God!” An olketa pipol i liftimapem olketa han an singaot bikfala tu, “!Hem nao! !Hem nao!” Den olketa baodaon go-go fes blong olketa i godaon kasem graon, an olketa wosipim Yawe.

Nehemaea 8:8

Olketa ridimaot Lo ya blong God, nao olketa transletem go long langguis blong olketa, mekem olketa minimgud olketa toktok ya.

Nehemaea 9:3

Taem olketa stanap long datfala ples, olketa gohed fo ridimaot buk long Lo blong Yawe God blong olketa fo tri aoa, den olketa talemaot olketa sin blong olketa an mekem wosip long Yawe God blong olketa fo tri aoa moa.

Nehemaea 9:4

Olketa Livaet i stanap long bikfala lada, an olketa gohed fo singaot bikfala long Yawe God blong olketa. Nem blong olketa ya nao, Jesua, an Bani, an Kadmiel, an Sebanaea, an Buni, an Serebaea, an narafala Bani, an Kenani.

Levitikas 10:11

An olketa lo wea mi givim long Mosis bifoa, yufala mas tisim long olketa pipol blong Israel.”

Malakae 2:7

?Olketa prist nao i mesenja blong mi Yawe hu mi garem evri paoa. So, olketa mas tisim pipol fo savegud long tru wei blong mi, an hemi gud fo pipol i kam fo lane from olketa.

Diutronomi 33:10

Yufala long traeb blong Livae nao save tisim olketa rul blong Yawe long pipol long laen blong Jekob, yufala ya save mekem pipol blong Israel i lanem lo blong hem. Yufala bonem insens fo mekhae long Yawe, yufala save bonem sakrifaes long olta blong hem.