Nehemaea 7:6 - Pijin Bible

⁶ Hem ya nao nem blong olketa pipol blong disfala provins wea ami blong King Nebukadnesa hemi bin fosim olketa fo lusim lan blong olketa an go stap long Babilonia. Olketa ya i kambaek long barava ples blong olketa long Jerusalem an olketa narafala ples long Jiuda.

Pijin Deuterocanon

⁶ Hem ya nao nem blong olketa pipol blong disfala provins wea ami blong King Nebukadnesa hemi bin fosim olketa fo lusim lan blong olketa an go stap long Babilonia. Olketa ya i kambaek long barava ples blong olketa long Jerusalem an olketa narafala ples long Jiuda.

Nehemaea 7:6 Iomraidhean Croise

2 Kings 25:11

An Nebusaradan hemi tekem olketa pipol hu i stap yet insaet long taon ya, an olketa hu bin ranawe from taon ya fo go joenem olketa blong Babilonia long aotsaet, nao hemi fosim olketa evriwan fo lusim lan blong olketa an go stap long Babilonia.

Esra 5:8

“King. Mifala laekem fo talemaot long yu, wea mifala bin visitim distrik long Jiuda, an mifala lukim dat olketa pipol gohed fo wakem wanfala niufala Tambuhaos blong Bikfala God. Olketa yusim olketa bikfala ston wea olketa katem, an olketa putum olketa bikfala timba insaet long olketa wol blong hem. Olketa gohed fo wakahad tumas fo mekem evrisamting blong Tambuhaos ya hemi mas stret gudfala, an waka ya hemi gohed gud tumas.

Esra 6:2

Bat olketa no faendem toktok ya long Babilon. Olketa faendem datfala rekod buk insaet long strongfala sefples long taon long Ekbatana, long provins long Media. Ripot ya hemi olsem,

Nehemaea 1:3

Nao olketa tok olsem long mi, “Evriwan long yumi hu i stap laef yet an bin gobaek long distrik long Jiuda, trabol nao hemi kasem mifala ya, an mifala sem tumas. Bikfala wolston blong Jerusalem ya hemi kamap nogud, an olketa geit blong hem i bone nogud long faea.”

Nehemaea 7:7

Olketa man hu i lidim olketa ya fo gobaek, nem blong olketa i olsem: Serababel, an Jesua, an Nehemaea, an Asaraea, an Raamaea, an Nahamani, an Modekae, an Bilsan, an Mispa, an Bigvae, an Rehum, an Baana. An olketa pipol long olketa laen blong Israel wea i gobaek, list blong olketa laen wetem namba blong olketa pipol ya hemi olsem: