So olketa gobaek long biktaon, an kolem olketa sekiuriti blong geit long wolston, an sei olsem, “Mifala go long ples blong ami blong Siria, bat mifala no lukim eniwan, an mifala no herem eniwan hemi toktok. Olketa haostent blong olketa i stap gudfala nomoa, an olketa hos an dongki wea olketa taemap i stap yet.”
Nehemaea 7:1 - Pijin Bible1 Taem wolston ya hemi finis, an mifala hangem olketa doa long olketa geit blong hem, mi siusim olketa Livaet wea samfala i sekiuriti blong olketa geit, an samfala i long kuaea blong Tambuhaos ya, an samfala i wakaman long Tambuhaos. Faic an caibideilPijin Deuterocanon1 Taem wolston ya hemi finis, an mifala hangem olketa doa long olketa geit blong hem, mi siusim olketa Livaet wea samfala i sekiuriti blong olketa geit, an samfala i long kuaea blong Tambuhaos ya, an samfala i wakaman long Tambuhaos. Faic an caibideil |
Nehemaea 7:1
12 Iomraidhean Croise
King Hesekaea hemi mekem olketa grup long olketa prist an olketa Livaet. Hemi divaedem olketa long olketa grup fo duim olketa deferen waka long Tambuhaos blong Yawe. Hemi siusim samfala fo mekem olketa sakrifaes wea i barava bone, an fo mekem olketa sakrifaes fo somaot dat olketa stapgud wetem Yawe. Hemi siusim samfala fo lidim wosip long Tambuhaos. An hemi siusim samfala fo singsing fo preisim an talem tengkiu long Yawe.
Long mektu mans blong mektu yia bihaen long taem olketa bin kambaek long ples wea olfala Tambuhaos hemi stap long hem bifoa, olketa stat fo wakembaek moa Tambuhaos ya. Serababel, san blong Sealtiel, an Jesua, san blong Jehosadak, wetem olketa prist an olketa Livaet, an evri narafala pipol hu i kambaek long Jerusalem, i joen tugeta fo duim waka ya. Olketa lida i siusim olketa Livaet hu i kasem mektuenti yia blong olketa, fo kamap bos ovarem olketa waka ya fo bildimbaek moa Tambuhaos blong Yawe.
Evri yia, mifala evriwan long olketa pipol blong Israel wetem olketa Livaet ya, bae mifala tekem kam olketa ofaring blong mifala long kaikai, an niufala waen, an niufala oliv oel fo putum kam insaet long disfala stoarum long Tambuhaos wea i save kipim olketa samting fo yusim long Tambuhaos ya, an wea olketa prist wea i waka long Tambuhaos ya, an olketa sekiuriti blong olketa geit, olketa long kuaea, i save stap long hem. “Bae mifala lukaftarem gudfala Tambuhaos blong God blong mifala.”
Samfala long olketa prist, an olketa Livaet, an olketa wakaman long Tambuhaos, an olketa long laen blong olketa wakaman blong King Solomon bifoa, wetem samfala narafala pipol blong Israel, olketa gohed fo stap long ples blong olketa long olketa taon long Jiuda. Bat samfala lida wetem narafala pipol long tufala distrik long Jiuda an Benjamin, olketa mekem hom blong olketa long Jerusalem. Olketa long laen blong Jiuda hu i stap long Jerusalem hemi olsem: Ataea, san blong Yusaea, hu hemi bon kam long laen blong Peres. Laen ya nao hemi olsem: Ataea, Yusaea, Sekaraea, Amaraea, Sefataea, Mahalalel, Peres hu hemi olo grani long disfala laen.
Long datfala taem tu, olketa hed blong olketa Livaet i olsem: Hasabaea, an Serebaea, an Jesua, san blong Kadmiel. Olketa ya i stanap long wanfala saet blong Tambuhaos fo singim olketa preis singsing, an olketa wantok blong olketa i stanap long narasaet fo singim ansa long singsing ya, barava olsem King Deved hu hemi man blong God, hemi bin tisim olketa Livaet bifoa.
Oraet, mifala finisim wolston ya, wea no eni hol moa hemi stap long hem. Bat mifala no hangem olketa doa long olketa geit yet. Taem Sanbalat wetem Tobaea an man blong Arebia ya Gesem, an olketa narafala enemi ya i herem nius abaotem disfala samting, Sanbalat wetem Gesem, tufala sendem wanfala mesij kam long mi. Tufala tok olsem, “Yu kam lukim mitufala long taon long Keferim wea hemi stap long Ono Vali.” Bat mi save dat tufala laekem fo trikim mi nomoa fo spoelem mi.
Sanasan