Nehemaea 5:2 - Pijin Bible

² Samfala long olketa i gohed fo tok olsem, “Mifala garem plande pikinini, an mifala nidim kaikai, nogud mifala dae nao ya.”

Pijin Deuterocanon

² Samfala long olketa i gohed fo tok olsem, “Mifala garem plande pikinini, an mifala nidim kaikai, nogud mifala dae nao ya.”

Nehemaea 5:2 Iomraidhean Croise

Jenesis 41:57

Olketa pipol blong evri narafala kantri tu i kam long Ijip fo baem wit, bikos hadtaem long hanggre ya hemi kasem evri ples long wol nao.

Jenesis 42:2

Mi bin herem dat olketa salem wit long Ijip. So yufala mas go an baem kam samfala kaikai fo yumi, nogud yumi dae long hanggre.”

Jenesis 43:8

Nao Jiuda hemi tok olsem long hem, “Yu putum boe ya long han blong mi, fo mifala go distaem nao, mekem no eniwan long yumi bae hemi dae long hanggre.

Jenesis 47:19

!Plis yu no letem mifala dae! !Yu mas faendem wei fo mifala! !Yu no letem olketa graon blong mifala i emti nomoa! Sapos yu givim kaikai long mifala, bae kaikai ya nao hemi peimaot mifala wetem olketa graon blong mifala, nao olketa graon ya bae hemi blong king, an bae mifala tu i slev blong hem. Bat plis yu givim kaikai long mifala, mekem mifala no dae, an yu givim kam sid blong wit long mifala, mekem mifala go plantem long olketa gaden blong mifala.”

2 Kings 4:1

Wanfala wido wea hasban blong hem bifoa hemi wanfala memba blong seksin blong olketa profet, hemi kam fo lukim Profet Elaesa, an hemi krae go olsem, “Hasban blong mi hemi dae finis. Yu savegud hemi olsem wakaman blong yu, an hemi tinghae long Yawe. Bifoa, hemi kaon long wanfala man, an distaem man ya hemi kam fo tekem tufala san blong mi, mekem tufala i slev blong hem.”

Nehemaea 5:3

An samfala gohed fo tok olsem, “Long disfala hadtaem blong hanggre, mifala putum olketa gaden, an olketa plantesin long grep, an olketa haos blong mifala tu long han blong olketa risman, mekem mifala save kaon long olketa fo peim kaikai blong mifala, mekem mifala no dae long hanggre.”

Hagae 1:6

Yufala gohed fo plantem staka kaikai long olketa gaden blong yufala, bat lelebet kaikai nomoa yufala garem. Yufala gohed fo kaikai, bat kaikai ya hemi no inaf fo yufala. Yufala gohed fo dringim waen, bat waen ya tu hemi no inaf fo mekem yufala hapi. Yufala garem kaleko, bat olketa kaleko ya hemi no inaf fo mekem yufala hot. Olketa wakaman i gohed fo wakahad fo garem seleni, bat seleni wea hemi tekem hemi no inaf. Hemi olsem seleni ya hemi lus long hol long basket blong olketa.?

Malakae 2:2

Sapos yufala no obeim mi o tinghevi fo mekhae long nem blong mi, bae mi mekem trabol fo kasem yufala an fo kasem gudfala laef wea yufala prist i garem. Ya, mi duim finis long yufala, bikos yufala nating tinghevi fo mekhae long nem blong mi.

Diutronomi 23:19

“Taem wantok blong yufala hemi kaon long yufala long seleni, o kaikai, o narafala samting, yufala mas no mekem hemi peim eni intres long hem.