Nehemaea 4:3 - Pijin Bible

³ Den Tobaea, hu hemi man blong Amon, hemi stanap saet blong man ya, hemi tok olsem, “!Datfala wolston wea olketa gohed fo wakem hemi no strong! !Sapos wanfala smol dog nomoa hemi klaeap antap long hem, bae hemi naf nao fo mekem hem foldaon nao!”

Pijin Deuterocanon

³ Den Tobaea, hu hemi man blong Amon, hemi stanap saet blong man ya, hemi tok olsem, “!Datfala wolston wea olketa gohed fo wakem hemi no strong! !Sapos wanfala smol dog nomoa hemi klaeap antap long hem, bae hemi naf nao fo mekem hem foldaon nao!”

Nehemaea 4:3 Iomraidhean Croise

1 Kings 20:10

Oraet, Ben-Hadad hemi sendem narafala mesij long King Ehab olsem, “Bae mifala kam spoelem Samaria. An mifala bae brekem evri haos blong yufala, go-go lelebet dast nomoa bae i stap fo mifala karimaot. An mi talem stret long yu, sapos mi no duim samting ya, letem olketa god kilim mi dae.”

1 Kings 20:18

So King Ben-Hadad hemi tok olsem, “Hemi gud. Maet olketa kam fo mekem faet o fo mekem piis. Nomata, yufala go kasholem olketa, bat yufala no kilim olketa dae.”

2 Kings 18:23

Komanda ya hemi gohed fo talemaot mesij long Hesekaea olsem, “Yu kam an nego wetem masta blong mi hu hemi King blong Asiria. Hemi tok olsem: !Bae mi helpem yu fo faetem mi! Sapos yu save faendem naf soldia hu i save hao fo raedem hos, bae mi givim go 2,000 hos long yu distaem.

Nehemaea 2:10

Sanbalat, hu hemi man blong Bet-Horon, an Tobaea, hu hemi man blong Amon, tufala ya i bikman blong provins. Taem tufala herem nius wea mi kam fo mekem laef blong olketa long laen blong Israel fo kamap gudfala moa, tufala ya i kros tumas.

Nehemaea 2:19

Taem Sanbalat, hu hemi man blong Bet-Horon, an Tobaea, hu hemi man blong Amon, an Gesem, hu hemi man blong Arebia, trifala herem nius abaotem disfala samting, trifala ya i laf fogud long mifala. Trifala mekfan long mifala an tok olsem, “!Ei! ?Wanem nao yufala tingting fo duim? ?Yufala ting olsem yufala save stanap fo agensim king?”

Nehemaea 6:1

Oraet, mifala finisim wolston ya, wea no eni hol moa hemi stap long hem. Bat mifala no hangem olketa doa long olketa geit yet. Taem Sanbalat wetem Tobaea an man blong Arebia ya Gesem, an olketa narafala enemi ya i herem nius abaotem disfala samting, Sanbalat wetem Gesem, tufala sendem wanfala mesij kam long mi. Tufala tok olsem, “Yu kam lukim mitufala long taon long Keferim wea hemi stap long Ono Vali.” Bat mi save dat tufala laekem fo trikim mi nomoa fo spoelem mi.

Lamentesin 5:18

Mifala gohed fo sore an krae bikos maonten long Saeon hemi kamap emti ples wea olketa wael dog nomoa i stap long hem.

Diutronomi 23:3

“Eniwan long laen blong Amon, o long laen blong Moab, an olketa hu bae i kamaot long tufala laen ya, olketa kaen man olsem i no garem raet fo joenem eni miting blong pipol blong Yawe.