Nehemaea 3:15 - Pijin Bible

¹⁵ Salum, san blong Kolose, hu hemi bikman long distrik long Mispa, hemi wakembaek moa Springwata Geit. Hemi putum ruf antap long hem, an hangem tufala bikfala doa blong hem, an hemi putum tu olketa aean ba long tufala doa, an bikfala timba tu wea olketa yusim fo lokem tufala doa long geit ya. Hemi wakembaek tu wolston raonem Pul long Siloa, wea hemi kolsap long gaden blong king. An hemi wakem neks haf long bikfala wolston go kasem bikfala lada wea hemi kamdaon from olo haf blong Jerusalem, wea olketa kolem Biktaon blong Deved.

Pijin Deuterocanon

¹⁵ Salum, san blong Kolose, hu hemi bikman long distrik long Mispa, hemi wakembaek moa Springwata Geit. Hemi putum ruf antap long hem, an hangem tufala bikfala doa blong hem, an hemi putum tu olketa aean ba long tufala doa, an bikfala timba tu wea olketa yusim fo lokem tufala doa long geit ya. Hemi wakembaek tu wolston raonem Pul long Siloa, wea hemi kolsap long gaden blong king. An hemi wakem neks haf long bikfala wolston go kasem bikfala lada wea hemi kamdaon from olo haf blong Jerusalem, wea olketa kolem Biktaon blong Deved.

Nehemaea 3:15 Iomraidhean Croise

2 Samuel 5:9

Taon ya hemi wanfala strong sefples, an taem Deved hemi winim taon ya, hemi kolem hem, “Biktaon blong Deved”. Nao hemi mekem taon ya bikfala moa. Hemi stat long ples wea olketa fulumap graon long saet long ist wea hemi save wakem olketa haos antap long hem.

2 Kings 25:4

olketa soldia blong Babilonia i brekem bikfala wolston ya, an go insaet. Long naet, nomata olketa soldia i gohed fo hipap raonem taon ya yet, bat King Sedekaea wetem olketa soldia blong hem i trae fo ranawe gotru long gaden blong king, an goaot long geit wea hemi midol long tufala wolston. Olketa ranawe falom disfala rod wea hemi go long bikfala vali kolsap long Jodan Riva.

2 Kronikols 32:30

Hem nao hemi blokem wansaet blong springwata long Gihon, an hemi digim ples fo mekem watasaplae hemi go kasem insaet long Biktaon blong Deved long saet long west. Evrisamting samting wea hemi duim, hemi kamap gudfala.

Nehemaea 12:37

Taem olketa kasem Springwata Geit, olketa klaeap long lada wea hemi goap long olo haf long taon wea olketa kolem Taon blong Deved, nao olketa gopas long bikfala haos blong King Deved ya bifoa, den olketa gobaek antap long wolston ya long ist saet long taon wea Wata Geit hemi stap long hem.

Nehemaea 2:14

Den mifala stat fo go not falom wolston long ist saet, bat rod hemi nogud, mekem animol ya no save wakabaot go. So, nomata hemi taem blong tudak, mifala godaon insaet long Kidron Vali fo luklukgud long wolston ya. Mifala go kasem Springwata Geit an Pul blong King. An long ples ya nao, mifala taneraon falom sem rod wea mifala jes go long hem, an gobaek long Vali Geit fo go insaet long taon ya moa.

Nehemaea 2:17

Bat long taem ya nao, mi tok olsem long olketa, “Olketa. Yufala lukim finis dat bikfala trabol hemi kasem yumi. Bikfala wolston blong taon ya hemi brek olobaot an hemi foldaon, an olketa geit ya i bone finis. Yumi mas wakembaek moa disfala wolston, mekem yumi no gohed fo sem long hem.”

Nehemaea 3:12

Salum, san blong Halohes, hu hemi bikman long wanfala haf long distrik ya raonem Jerusalem, wetem olketa dota blong hem, olketa wakem neks haf blong wolston ya.

Nehemaea 3:14

Malkaeja, san blong Rekab, hu hemi bikman long distrik long Bet-Hakerem, hemi wakembaek moa Geit fo Torowem Ravis. Hemi hangem tufala bikfala doa blong hem, an hemi putum tu olketa aean ba long tufala doa, an bikfala timba tu wea olketa yusim fo lokem tufala doa long geit ya.

Nehemaea 3:19

Esa, san blong Jesua, hu hemi bikman long taon long Mispa, hemi wakem neks haf blong hem. Hemi stat long ples kolsap long lada wea hemi goap long disfala haos fo stoarem olketa wepon, go-go kasem ples wea wolston ya hemi garem kona long hem.

Nehemaea 3:7

Melataea, hu hemi man blong Gibeon, an Jadon, hu hemi man blong Meronot, wetem olketa man blong tufala taon long Gibeon an Mispa, olketa ya nao i wakembaek moa neks haf blong wolston ya. Taon ya long Mispa hemi wanfala ples wea gavna blong provins ya long west saet blong Yufretis Riva hemi stap long hem.

Nehemaea 3:9

Refaea, san blong Hua, hu hemi bikman long wanfala haf long distrik ya raonem Jerusalem, hemi wakem neks haf blong hem.

Eklesiastes 2:6

An mi bin mekem olketa watasaplae fo watarem olketa gaden blong mi.

Aesaea 8:6

“!Yu lukim! Olketa pipol ya i agensim mi nao, bat mi nao mi olsem disfala gudfala wata blong Siloa wea hemi ran gudfala tumas. Olketa no laekem gudfala wei blong mi, bikos olketa hapi tumas long King Resin blong Damaskas an King Peka blong Samaria.

Jeremaea 40:6

Jeremaea hemi go long Mispa, an hemi stap wetem Gedalaea, san blong Ahikam, midol long olketa pipol wea olketa blong Babilonia i no tekemaot from lan blong olketa.

Gudnius abaotem Jisas Kraes wea Luk hemi raetem 13:4

?O waswe long eitinfala pipol ya hu olketa dae long taem disfala hae haos long Saeloam hemi foldaon antap long olketa? ?Waswe, yufala tingse olketa nao rong moa winim olketa nara pipol long Jerusalem?

Gudnius abaotem Jisas Kraes wea Jon hemi raetem 9:7

An hemi talem long man ya olsem, “Yu go wasim ae blong yu long disfala pul long Saeloam.” Nem blong pul ya hemi minim “Olketa sendem hem go.” So man ya hemi go an wasim ae blong hem nao, an taem hemi lusim pul ya, ae blong hem hemi save lukluk moa.

Jajis 20:1

Evri pipol blong Israel i kam tugeta olsem wanfala grup an olketa kam tugeta frant long Yawe long Mispa. Olketa kam from evri ples, stat long taon long Dan long not, an long taon long Beereseba long saot, an long eria long Gilead long ist.

Jajis 20:3

Oraet, long datfala taem, traeb blong Benjamin hemi herem nius wea olketa hipap finis long Mispa. Den olketa kolem disfala Livaet wea samfala man blong Gibea i bin kilim dae woman blong hem, an askem hem olsem, “?Mifala wande herem hao nao disfala ravis samting hemi hapen?” So Livaet ya hemi tok olsem, “Mi wetem woman ya, mitufala kam fo slip long Gibea long lan blong traeb blong Benjamin.