Nehemaea 13:16 - Pijin Bible

¹⁶ An mi lukim tu dat olketa blong taon long Taea hu i stap long Jerusalem, olketa ya gohed fo tekem kam olketa fis an olketa deferen kaen samting long Sabat de fo salem long olketa pipol blong Jiuda.

Pijin Deuterocanon

¹⁶ An mi lukim tu dat olketa blong taon long Taea hu i stap long Jerusalem, olketa ya gohed fo tekem kam olketa fis an olketa deferen kaen samting long Sabat de fo salem long olketa pipol blong Jiuda.

Nehemaea 13:16 Iomraidhean Croise

Nehemaea 13:15

Long datfala taem tu, mi lukim dat olketa pipol blong Jiuda, olketa gohed fo waka long Sabat de. Samfala gohed fo tekem olketa grep, an step antap long hem fo wakem waen long hem. An samfala gohed fo tekem olketa kaikai, an olketa waen, an olketa grep, an olketa fig, an olketa deferen samting moa, an putum antap long olketa dongki fo karim go long Jerusalem fo salem. From samting ya nao, mi tokstrong long olketa olsem, “!Yufala mas no salem olketa samting ya long Sabat de ya!”

Nehemaea 13:17

So mi tokstrong long olketa lida blong Jiuda olsem, “!Olketa! !Sabat de hemi tambu! ?Hao nao yufala save gohed fo duim olketa barava ravis samting olsem, mekem de ya kamap nogud?

Eksodas 20:10

bat long mekseven de, hemi Sabat de, an hemi de fo onarem mi Yawe, God blong yufala. Long de ya, bae yufala mas no waka long hem. Yufala wetem olketa pikinini blong yufala, an olketa slev blong yufala, an olketa animol blong yufala, an olketa strensa hu i stap long ples blong yufala, bae yufala evriwan mas no waka long de ya.

Eksodas 23:12

“Oltaem yufala save waka nomoa fo siksfala de, bat long mekseven de, yufala no mas waka. Long disfala wei nao, bae olketa slev blong yufala an olketa strensa wea i gohed fo waka fo yufala i save res. An olketa animol blong yufala tu i save res.

Diutronomi 5:14

bat long mekseven de, hemi Sabat de, an hemi de fo onarem mi Yawe, God blong yufala. Long de ya, bae yufala mas no waka long hem. Yufala, wetem olketa pikinini blong yufala, an olketa slev blong yufala, an olketa animol blong yufala, an olketa strensa hu i stap long ples blong yufala, bae yufala evriwan mas no waka long de ya. Long wei olsem olketa slev blong yufala olketa save res tu olsem yufala nomoa.