Nehemaea 13:15 - Pijin Bible

¹⁵ Long datfala taem tu, mi lukim dat olketa pipol blong Jiuda, olketa gohed fo waka long Sabat de. Samfala gohed fo tekem olketa grep, an step antap long hem fo wakem waen long hem. An samfala gohed fo tekem olketa kaikai, an olketa waen, an olketa grep, an olketa fig, an olketa deferen samting moa, an putum antap long olketa dongki fo karim go long Jerusalem fo salem. From samting ya nao, mi tokstrong long olketa olsem, “!Yufala mas no salem olketa samting ya long Sabat de ya!”

Pijin Deuterocanon

¹⁵ Long datfala taem tu, mi lukim dat olketa pipol blong Jiuda, olketa gohed fo waka long Sabat de. Samfala gohed fo tekem olketa grep, an step antap long hem fo wakem waen long hem. An samfala gohed fo tekem olketa kaikai, an olketa waen, an olketa grep, an olketa fig, an olketa deferen samting moa, an putum antap long olketa dongki fo karim go long Jerusalem fo salem. From samting ya nao, mi tokstrong long olketa olsem, “!Yufala mas no salem olketa samting ya long Sabat de ya!”

Nehemaea 13:15 Iomraidhean Croise

2 Kronikols 24:19

Nomata Yawe hemi sendem olketa profet blong hem fo go talemaot toktok blong hem long olketa pipol, an mekem olketa tanem tingting an kambaek long hem, bat olketa no lisin.

Nehemaea 10:31

“Taem olketa pipol ya i kam long Sabat de fo salem kaikai an olketa narafala samting long mifala, o long narafala de blong yu wea hemi tambu, bae mifala no maket nao. “Oltaem, long evri mekseven yia, bae mifala no wakem eni gaden, bat letem graon ya hemi res, an bae mifala mas finisim olketa kaon wea pipol i mekem long mifala.

Nehemaea 10:32

“Mifala promis fo obeim strong toktok wea evri yia mifala evriwan mas givim foa gram silva fo peim olketa samting fo Tambuhaos blong God.

Nehemaea 13:16

An mi lukim tu dat olketa blong taon long Taea hu i stap long Jerusalem, olketa ya gohed fo tekem kam olketa fis an olketa deferen kaen samting long Sabat de fo salem long olketa pipol blong Jiuda.

Nehemaea 13:21

Bat mi tokstrong long olketa olsem, “?Waswe nao yufala gohed fo slip long ples ya long Sabat de? Sapos yufala duim moa, bae mi raosim yufala from ples ya.” An stat long datfala taem, olketa nating kambaek moa long Sabat de.

Nehemaea 9:29

“Yu bin gohed fo wonem olketa, mekem olketa tane kambaek long yu fo obeim lo blong yu, bat olketa bin praod tumas, an olketa les fo obeim olketa toktok ya blong yu. Sapos man hemi obeim olketa rul ya blong yu, hemi save garem gudfala laef. Bat nomata olsem, olketa bikhed tumas, an olketa tanem baeksaet long lo ya, an olketa les fo lisin an fo obeim yu.

Stori abaotem Job 39:12

?Waswe, yu tingse bae hemi karim olketa kaikai from gaden blong yu, an tekem kam long ples fo aotem skin blong wit? !Nomoa nao!

Sams 50:7

Nao God hemi tok olsem, “Yufala olketa pipol blong mi long laen blong Israel, yufala lisin kam. Bae mi tokaot agensim yufala. Mi nao God, an mi God blong yufala.

Eksodas 31:12

Yawe hemi gohed fo tok olsem long Mosis,

Eksodas 31:16

Yufala olketa pipol blong Israel, disfala de ya nao hemi saen long Spesol Agrimen wea mi mekem wetem yufala an olketa hu bae i bon kam bihaen long yufala. An bae yufala mas kipim de ya olowe nao fo somaot disfala Agrimen.

Eksodas 34:21

“Yufala garem siksfala de fo duim olketa waka blong yufala, bat long mekseven de yufala mas res long hem. Nomata long taem blong plantem gaden, o taem blong tekemaot kaikai long gaden, yufala evriwan mas res long de ya.

Eksodas 35:2

‘Yufala garem siksfala de fo duim olketa waka blong yufala, bat long mekseven de hemi tambu de blong yufala nao. Hemi Sabat de blong mi Yawe an yufala mas res long hem. Sapos eniwan hemi duim waka long de ya, bae yufala mas kilim hem dae.

Provebs 28:4

Olketa hu i les long lo i tokhapi long ravis man, bat olketa hu i hapi long lo i les long ravis man.

Aesaea 58:13

Yawe hemi tok moa olsem, “Sapos yufala kipim Sabat de holi, an sapos yufala no duim enisamting falom tingting blong yufala seleva long de ya, an sapos yufala hapi tumas fo tinghae long mi long disfala holi de blong mi, an sapos yufala no wakabaot go farawe tumas long de ya, an sapos yufala no duim eni waka blong yufala, an sapos yufala no mekem de ya fo stori olobaot nomoa, bae mi blesim yufala.

Jeremaea 17:24

“‘Bat mi talem yufala tru nao. Mi laek tumas fo yufala obeim olketa toktok blong mi. Mi laek fo yufala kipim Sabat de hemi tambu, an no karim kam eni hevi samting insaet long olketa geit long wolston blong taon long disfala de. Sapos yufala kipim Sabat de ya hemi tambu wea yufala no duim eni waka long hem,

Jeremaea 17:27

“‘Bat sapos yufala no obeim mi an les fo kipim Sabat de hemi tambu, an sapos yufala i karim olketa hevi samting go insaet long olketa geit blong Jerusalem long disfala de, bae mi sendem kam bikfala faea fo bonem Jerusalem, wetem olketa bikfala geit an olketa strongfala sefples blong hem, an faea ya bae no eniwan save kilim dae.’”

Jeremaea 42:19

Nao Profet hemi tok olsem, “Olketa pipol blong Jiuda hu i stap yet. Yawe hemi tok klia finis long yufala olsem, ‘!Yufala mas no go long Ijip!’ Yufala mas heremgud disfala woning wea mi talemaot tude long yufala.

Esikiel 20:13

“Nomata olsem, olketa pipol blong Israel i agensim mi nomoa insaet long drae eria. An nomata olketa save dat man hu hemi obeim olketa lo blong mi bae hemi garem gudfala laef, olketa nating falom nomoa toktok blong mi, o kipim nomoa olketa lo blong mi. An olketa Sabat de wea mi makem fo olketa res long hem, olketa barava mekravis long hem nao. Hem nao mi talem dat mi redi nomoa fo spoelem olketa insaet long drae eria, mekem olketa filim kros blong mi fo olketa.

Emos 8:5

Oltaem yufala talem olsem, ??Wataem nao bae olketa Bikde blong Niu Mun hemi finis, mekem yumi salem olketa wit blong yumi? Hemi gud tumas sapos Sabat de hemi finis kuiktaem, mekem yumi save salem moa evrisamting blong yumi. An bae yumi apem olketa praes blong yumi an taetem olketa skel fo ravem gudfala long olketa hu i pei long yumi.

Maeka 6:3

Yawe hemi tok olsem, “!Olketa pipol blong mi! ?Watkaen nogud samting nao mi bin duim wea hemi spoelem tingting blong yufala? ?Watkaen trabol nao mi bin mekem fo yufala wea hemi mekem laef blong yufala hemi barava had fogud? !Hemi gud fo yufala ansarem mi!

Aposol 2:40

Pita hemi talem plande toktok moa long olketa an hemi tokstrong long olketa olsem, “!Yufala mas lukaot, mekem yufala no kasem panis olsem olketa ravis pipol blong distaem!”

Aposol 20:21

Mi bin tokstrong long olketa pipol, nomata olketa i Jiu o olketa i no Jiu, wea olketa mas lusim olketa ravis wei blong olketa, an olketa mas tane kam long God an biliv long Jisas Masta blong yumi.

Galesia 5:3

An mi talemaot moa long yufala, evri man hu hemi letem hem seleva fo falom disfala Lo fo kate, bae hemi mas obeim evri poen long Lo nao ya.

Efesas 4:17

So long nem blong Masta, mi talem strong long yufala nao, yufala mas no gohed fo falom nomoa olketa yusles tingting blong olketa pipol hu i no biliv long God.

Diutronomi 8:19

Mi talem stret long yufala distaem, sapos yufala fogetem Yawe, God blong yufala, an yufala go aftarem olketa narafala god fo wosipim olketa, oraet, Yawe bae hemi spoelem yufala nogud.

1 Tesalonaeka 4:6

Yufala mas no duim eni ravis samting agensim nara Kristin fren blong yufala, an yufala mas no laea long hem long olketa wei olsem. Mifala talem yufala finis an mifala wonem yufala, Masta blong yumi bae hemi panisim olketa pipol hu i duim olsem.